టాలీవుడ్ హీరోయిన్ సమంత షూటింగ్‌లో గాయపడ్డారు. ఆమె "సిటాడెల్" అనే వెబ్ సిరీస్‌లో నటిస్తున్నారు. ఈ వెబ్ సిరీస్ కోసం యాక్షన్ సన్నివేశాలు చిత్రీకరిస్తున్న సమయంలో ఆమె గాయపడ్డారు. తన రెండు చేతులకు గాయాలయ్యాయి. గాయపడిన ఫోటోలను ఆమె ఫోటోలు తీసి సోషల్ మీడియాలో షేర్ చేస్తూ వాటి కింద "యాక్షన్ ఫలితం" అంటూ కామెంట్స్ చేశారు.
మయోసైటిస్ అనే వ్యాధి బారినపడిన సమంత.. ఈ అరుదైన వ్యాధి నుంచి క్రమంగా కోలుకుని తిరిగి షూటింగులలో పాల్గొంటున్నారు. ఈమె నటించిన చిత్రాల్లో "శాకుంతలం" త్వరలోనే విడుదలకానుంది. ఈ నేపథ్యంలో హాలీవుడ్ దర్శకులు రుస్సో బ్రదర్స్ డైరెక్ట్ చేస్తున్న వెబ్ సిరీస్ సిటాడెల్. ఇది భారతీయ వెర్షన్. ఒరిజిన్‌లో ప్రియాంకా చోప్రా, రిచర్డ్ మడ్డెన్, స్టాన్లీ టుస్సీ తదితరులు కీలక పాత్రల్లో నటించారు. త్వరలోనే అమెజాన్ ప్రైమ్‌లో ఇది స్ట్రీమింగ్‌కానుంది.
భారతీయ వెర్షన్ సిటాడెల్ షూటింగులో ఆమె గాయపడ్డారు. యాక్షన్ సన్నివేశాలు చిత్రీకరణ సమయంలో దెబ్బలు తగిలాయి. రెండు చేతులకు గాయాలైన విషయాన్ని సమంత తెలిపింది. ఈ మేరకు సామ్ తన ఇన్‌స్టాగ్రామ్ ఖాతాలో ఓ స్టోరీని షేర్ చేసింది. రెండు చేతుల ఫోటో పెట్టి.. "యాక్షన్ ఫలితం" అంటూ క్యాప్షన్ ఇచ్చింది. యాక్షన్ సన్నివేశాల్లో నటించేందుకు హాలీవుడ్ దర్శకుడు వద్ద ప్రత్యేకంగా ట్రైనింగ్ తీసుకున్నప్పటికీ గాయాలు మాత్రం తప్పలేదు అంటూ ఆమె పేర్కొన్నారు.
