టాలీవుడ్ స్టార్ హీరోయిన్ సమంత ప్రస్తుతం సినిమా రంగంలో రాణిస్తూనే వ్యాపారాలపై దృష్టి పెడుతోంది. ఇంటి డాబా మీదనే పెరటి తోటను సిద్ధం చేసుకున్న సమంత.. ఇటీవల ఆమె తోటలోని క్యారెట్లను ఇన్‌‌స్టాగ్రామ్‌లో పోస్టు చేసింది.
అలాగే జూబ్లీహిల్స్‌లో స్నేహితులతో కలిసి ఏక్కం అనే ప్రీ స్కూల్ బిజిస్‌ను స్టార్ట్ చేసిన సామ్ ప్రారంభించింది. తాజాగా బట్టల వ్యాపారం మొదలు పెట్టింది. యువతకు వెరైటీ డ్రెస్సులని పరిచయం చేస్తూ సాకి వరల్డ్ పేరుతో దుస్తుల వ్యాపారం మొదలు పెట్టింది.
దీనిపై సమంత స్పందిస్తూ.. ఎప్పటి నుండో కన్న కల ఇదని చెప్పింది. తన జర్నీలో ఫ్యాషన్‌పై తనకున్న ప్రేమను సాకి వరల్డ్ తెలియజేస్తుంది. త్వరలోనే సాకి వరల్డ్‌తో మీ ముందుకు రానున్నానంటూ సామ్ పేర్కొంది.
తెలుగు, తమిళ సినిమాలతో బిజీ ఉన్న ఈ అమ్మడు ది ఫ్యామిలి మెన్ వెబ్ సిరీస్ కూడా చేస్తుంది. ఇందులో నెగెటివ్ రోల్ చేయనున్న సామ్ త్వరలో షూటింగ్‌లో జాయిన్ కానుంది.
