దర్శకధీరుడు ఎస్.ఎస్. రాజమౌళి "బాహుబలి" చిత్రం తర్వాత దర్శకత్వం వహించనున్న చిత్రం ఆర్.ఆర్.ఆర్. ఈ చిత్రంలో జూనియర్ ఎన్టీఆర్, రామ్ చరణ్‌లు హీరోలు. మల్టీస్టారర్ కాంబినేషన్‌లో ఈ చిత్రం తెరకెక్కనుంది. ఈ చిత్రం పూజా కార్యక్రమాలు ఇటీవల జరుపుకోగా, కార్తీక సోమవారం (నవంబరు 19వ తేదీ) నుంచి రెగ్యులర్ షూటింగ్ ప్రారంభంకానుంది.
షూటింగ్ స్పాట్‌లో హీరోలిద్దరూ ఉన్నారు. దీంతో ఎవరిపై తొలి షాట్ తీస్తారోనన్న ఆసక్తి ప్రతి ఒక్కరిలోనూ నెలకొంది. దర్శకుడితో ఇద్దరూ కలిసి దిగిన ఫోటో ఒకటి ఇపుడు సోషల్ మీడియాలో వైరల్ అయింది. ఈ ఫోటోను చిత్ర యూనిట్‌ షేర్ చేసింది.
హైదరాబాద్‌ శివారు ప్రాంతంలో ప్రత్యేకంగా ఈ సినిమా కోసం భారీ సెట్లు వేస్తున్నారు. ఆ ప్రాంతంలోనే సినిమా షూటింగ్ 60 శాం చిత్రీకరిస్తారని చిత్రవర్గాలు వెల్లడించాయి. ఈ షూటింగ్ స్పాట్‌లో రాజమౌళి ప్రత్యేకంగా తనకోసం ఓ టెంపరరీ ఇల్లు నిర్మించుకున్నారు. హీరోలు, ప్రధాన పాత్రల ప్రిపరేషన్ ఇక్కడ ప్రత్యేకంగా రూమ్స్ ఉన్నాయి.
