ఆంధ్రోడా నీ తాట తీయనీకి వస్తున్నా : కేసీఆర్ బయోపిక్ సాంగ్ రిలీజ్

శనివారం, 20 ఏప్రియల్ 2019 (12:13 IST)
తెలుగు చిత్ర పరిశ్రమలో వివాదాలకు కేరాఫ్ అడ్రస్‌గా మారిన దర్శకుడు రాంగోపాల్ వర్మ. ఈయన గురించి ప్రత్యేకంగా చెప్పనక్కర్లేదు. సుధీర్ఘకాలం తర్వాత ఇటీవల లక్ష్మీస్ ఎన్టీఆర్ చిత్రంతో మంచి విజయాన్ని రుచిచూశాడు. ఇదే ఊపుతో ఇపుడు కేసీఆర్ బయోపిక్‌ను తెరకెక్కంచనున్నాడు. 
 
ఈ క్రమంలోనే తాజాగా కేసిఆర్ బయోపిక్‌కు సంబంధించిన ఫస్ట్‌లుక్‌ను ఆంధ్రప్రదేశ్‌ ముఖ్యమంత్రి నారా చంద్రబాబు నాయుడు పుట్టిన రోజు సందర్భంగా విడుదల చేస్తున్నట్టుగా ప్రకటించాడు వర్మ. అంతేకాదు వర్మ స్వయంగా సినిమాకు సంబంధించిన పాటను ఆలపిస్తూ ఓ వీడియోను విడుదల చేశాడు. "భాష మీద నవ్వినవ్.. ముఖాల మీద ఊసినవ్.. మా బాడీల మీద నడిచినవ్.. వస్తున్నా.. ఆంధ్రోడా నీ తాట తీయనీకి వస్తున్నా" అంటూ సాగే ఈ పాటను సోషల్ మీడియాలో వర్మ రిలీజ్ చేశారు. 
 
ఈ సాంగ్‌లో అనేక వివాదాస్పద మాటలు ఉండగా.. సినిమాలో ఎవరెవరి పాత్రలు ఉండబోతున్నాయనే విషయాన్ని వెల్లడించారు. కేసీఆర్‌ ఉద్యమ నాయకుడిగా ఉన్న సమయంలో రాష్ట్రరాజకీయాల్లోని కీలక వ్యక్తులంతా ఈ బయోపిక్‌లో కనిపించనున్నారు. కేసీఆర్‌ తనయుడు కేటీఆర్‌, కూతురు కవిత, అల్లుడు హరీష్‌ రావు, వైఎస్‌ రాజశేఖర్‌ రెడ్డి, వైఎస్‌ జగన్‌మోహన్‌ రెడ్డి. చంద్రబాబు, లగడపాటి రాజగోపాల్, ఉండవల్లి అరుణ్‌ కుమార్‌, రోశయ్య, కిరణ్ కుమార్‌ రెడ్డి, రామోజీ రావులతో పాటు నారా లోకేష్ పాత్ర కూడా సినిమాలో ఉంటుందని వర్మ ప్రకటించాడు.

 

Like how the peaceful Gandhi fought the British and got india, the Agressive Gandhi KCR fought the Andhras and got Telangana #TIGERKCR pic.twitter.com/mUQkl3nZiF

— Ram Gopal Varma (@RGVzoomin) April 20, 2019

వెబ్దునియా పై చదవండి

తర్వాతి కథనం తిరుమలలో భార్యతో కలిసి రథాన్ని లాగిన దర్సకుడు త్రివిక్రమ్