కొరివితో తల గోక్కోవడానికి సిద్ధమైన రాంగోపాల్ వర్మ

శుక్రవారం, 19 ఏప్రియల్ 2019 (16:54 IST)
మనం చేయరాని పని ఏదైనా చేయాలనుకుంటే మనింట్లో పెద్దవాళ్ళు ఒరే కొరివితో తల గోక్కోవద్దురా అంటుంటారు. అంటే తెలిసి తెలిసి ఇబ్బందుల్లో పడవద్దని. కానీ సంచలనాల దర్సకుడు రాంగోపాల్ వర్మ మరోసారి చర్చకు దారితీసే సినిమా తీసేందుకు సిద్ధమయ్యారు. ఈసారి ఎలాంటి వివాదంలో ఇరుక్కుని ఇబ్బందులు పడతాడన్నదే ఆశక్తిగా మారుతోంది. 
 
ఇప్పటికే ఎన్టీఆర్ బయోపిక్ తీసిన రాంగోపాల్ వర్మ రాజకీయంగా చర్చకు తెరలేపారు. తెలంగాణా ముఖ్యమంత్రి కెసిఆర్‌తో పాటు తమిళనాడులో మాజీ ముఖ్యమంత్రి జయలలిత నెచ్చెలి, అన్నాడిఎంకే పార్టీ నాయకురాలిగా ఉన్న శశికళ జీవిత చరిత్ర ఆధారంగా సినిమాలు చేస్తానని ప్రకటించాడు రాంగోపాల్ వర్మ.
 
అయితే ముందుగా కెసిఆర్ సినిమానే ఎంచుకున్నాడు. ఈరోజు ట్విట్టర్లో రాంగోపాల్ వర్మ ఒక పోస్ట్ చేశారు. కెసిఆర్.. అగ్రెసివ్ గాంధీ అంటూ ట్యాగ్. ఇది కాస్త వైరల్ అవుతోంది. కెసిఆర్ ముఖం గురించి గతంలో తీవ్రస్థాయిలో విమర్శలు చేసిన రాంగోపాల్ వర్మ.. ఆయన జీవిత చరిత్రను ఏవిధంగా తెరకెక్కిస్తారన్నది ఆసక్తికరంగా మారుతోంది. 
 
తెలంగాణా రాష్ట్రం రావడాని కన్నా ముందా లేకుంటే తెలంగాణా వచ్చిన తరువాత కెసిఆర్ గురించా...  లేకుంటే రాజకీయాల్లోకి రాకముందు కెసిఆర్ పరిస్థితి ఏవిధంగా ఉందన్న కోణంలో సినిమా చేస్తున్నాడా అన్నది మాత్రం ఆసక్తికరంగా మారుతోంది. మిగిలిన వారి గురించి పక్కనబెడితే వర్మ సినిమాలో ఏదైనా తేడా వస్తే మాత్రం వర్మను తెలంగాణ సీఎం కేసీఆర్ వదిలిపెట్టే ప్రసక్తే లేదంటూ సెటైర్లు వేస్తున్నారు నెటిజన్లు.

వెబ్దునియా పై చదవండి

తర్వాతి కథనం వయస్సు ఒక సంఖ్య మాత్రమే... సంకల్పమే ముఖ్యం.. ఇదే "జెర్సీ" మూవీ రివ్యూ