Select Your Language

Notifications

webdunia
webdunia
webdunia
webdunia
Advertiesment

సుశాంత్ సింగ్‌లా ఆలోచిస్తే రోజుకి 100 మంది సూసైడ్ చేసుకోవాలి: వర్మ సంచలన వ్యాఖ్యలు

సుశాంత్ సింగ్‌లా ఆలోచిస్తే రోజుకి 100 మంది సూసైడ్ చేసుకోవాలి: వర్మ సంచలన వ్యాఖ్యలు
, బుధవారం, 17 జూన్ 2020 (13:10 IST)
యువ హీరో సుశాంత్ సింగ్ ఆత్మహత్య బాలీవుడ్‌ని షేక్ చేస్తుంది. బాలీవుడ్ సినీ ప్రముఖులే కాకుండా.. టాలీవుడ్, కోలీవుడ్, మాలీవుడ్, శాండిల్‌వుడ్... ఇలా దేశంలో ఉన్న సినీ ప్రముఖులు సుశాంత్ ఆత్మహత్యపై స్పందిస్తున్నారు. బాలీవుడ్‌లో ఉన్న కొంతమంది సినీ ప్రముఖులు ఇండస్ట్రీలో ఉన్న బంధుప్రీతి వలన కొత్తవారికి అవకాశాలు రావడం లేదని.. కావాలనే కొంతమంది సినీ పెద్దలు అడ్డుపడుతున్నారని వ్యాఖ్యానించారు.
 
స్టార్ హీరోయిన్ కంగనా రనౌత్ ఇండస్ట్రీలో ఉన్న బంధుప్రీతి వలన సుశాంత్ ఎదుగదలను చూసి తట్టుకోలేకపోయారు అంటూ సంచలన వ్యాఖ్యలు చేసారు. బాలీవుడ్ దర్శకనిర్మాత కరణ్‌ జోహార్ సుశాంత్‌ని ఎప్పుడూ ప్రొత్సహించలేదు అంటూ నెటిజన్లు విమర్శిస్తున్నారు.
 
ఇదిలా ఉంటే... సంచలన దర్శకుడు రామ్ గోపాల్ వర్మ సుశాంత్ ఆత్మహత్య గురించి స్పందిస్తూ... సుశాంత్ ఆత్మహత్మ చేసుకోవడం గురించి కరణ్ జొహార్‌ను విమర్శించడం హాస్యాస్పదం అన్నారు. అసలు సినిమా ఇండస్ట్రీ ఎలా నడుస్తుందో తెలియక ఇలాంటి విమర్శలు చేస్తున్నారు. సుశాంత్‌తో ఇబ్బంది ఉన్నప్పుడు... అతనితో వర్క్ చేయాలా, వద్దా అనేది కరణ్ సొంత నిర్ణయంపై ఆధారపడి ఉంటుంది అని చెప్పారు. ఎవరితో కలిసి పని చేయాలనేది ప్రతి నిర్మాత సొంత నిర్ణయం.
 
డబ్బు, పేరు వచ్చిన 12 ఏళ్ల తర్వాత ఇండస్ట్రీకి వెలుపలి వ్యక్తిగా సుశాంత్ ఫీల్ అయి సూసైడ్ చేసుకున్నాడని అనుకున్నట్టైతే... సుశాంత్ దరిదాపుల్లోకి కూడా రాలేకపోయిన వ్యక్తులు రోజుకు కనీసం 100 మంది తనువు చాలించాలి. నీకున్న దానితో నీవు సంతోషంగా లేనప్పుడు... నీకు ఎంత ఉన్నప్పటికీ సంతోషంగా ఉండలేవు అంటూ వర్మ తనదైన స్టైల్లో చెప్పినా... వాస్తవమే చెప్పారు. ఇప్పుడు వర్మ చెప్పిన ఈ మాటలు హాట్ టాపిక్ అయ్యాయి.

Share this Story:

Follow Webdunia telugu

తర్వాతి కథనం

చందమామపై స్థలం కొన్న ఏకైక నటుడు.. ఎవరో తెలుసా?