రష్యా యుద్ధంలో నష్టపోయిన దేశం ఉక్రెయిన్ వ్యక్తికి చెర్రీ సాయం అందించారు. జక్కన్న, చెర్రీ, ఎన్టీఆర్ కాంబోలో తెరకెక్కిన ట్రిపుల్ ఆర్ సినిమాలోని కీలక సన్నివేశాలు కొన్ని "నాటు నాటు" సాంగ్‌ని ఉక్రెయిన్‌లో చిత్ర బృందం తెరకెక్కించారు. అయితే ఈ షూటింగ్ సమయంలో రామ్ చరణ్ కి పర్సనల్ బాడీ గార్డ్ గా కైన్ అనే వ్యక్తి కొన్ని రోజులు అతడి దగ్గర పని చేసాడు.
అయితే ఇప్పుడు అక్కడి యుద్ధ నేపథ్యంలో రామ్ చరణ్ కైన్‌కి ఫోన్ చేసి యోగ క్షేమాలు కనుక్కున్నారని అతడే ఒక వీడియో చేసి ధన్యవాదాలు తెలిపాడు.
అంతే కాకుండా చరణ్ తమకి సాయం చేసాడని. తన కుటుంబానికి కావాల్సిన అవసరాలు తీర్చడమే కాకుండా మెడిసిన్స్ కూడా పంపారని.. ఇంకా ఏ అవసరం ఉన్నా తనని అడగమని చెప్పారని కైన్ ఆ వీడియోలో తెలిపాడు.
దీనితో కేవలం కొన్ని రోజులు మాత్రమే పని చేసిన తన బాడీ గార్డ్ పట్ల చరణ్ చూపిన శ్రద్ధ తో అతడి అభిమానులు గర్వం వ్యక్తం చేస్తున్నారు. ప్రస్తుతం ఈ వీడియో అయితే వైరల్ అవుతుంది.
