Select Your Language

Notifications

webdunia
webdunia
webdunia
webdunia
Advertiesment

పూరి జగన్నాథ్‌కు గురించి షాకిచ్చిన వర్మ

పూరి జగన్నాథ్‌కు గురించి షాకిచ్చిన వర్మ
, మంగళవారం, 25 జూన్ 2019 (17:16 IST)
పూరీ జగన్నాథ్... తెలుగు సినీ ప్రేక్షకులు ఎవరికైనా పరిచయం చేయవలసిన అవసరం లేని పేరు. కాగా సదరు దర్శకుడి గురించి సంచలన దర్శకుడు రామ్ గోపాల్ వర్మ ఒక షాకింగ్ విషయాన్ని వెల్లడిస్తూ... దానికి సంబంధించిన వీడియోని కూడా తన ట్విట్టర్‌లో షేర్ చేసాడు.
 
వివరాలలోకి వెళ్తే.. పూరీ జగన్నాథ్ దర్శకుడిగా అందరికీ తెలిసిన వ్యక్తే కానీ ఆయన దర్శకత్వానికి రాక మునుపు ఒక సూపర్ హిట్ సినిమాలో జూనియర్ ఆర్టిస్ట్‌గా పని చేసారు. ఇక ఆ సినిమా విషయానికి వస్తే అప్పట్లో ట్రెండ్ సెట్టర్‌గా నిలిచిన శివ... ఆ సినిమా బాక్స్ ఆఫీస్‌ని షేక్ చేసేయడంతోపాటు అటు హీరో నాగార్జునకి, ఇటు దర్శకుడు రామ్ గోపాల్ వర్మకి ఎంత పేరు తెచ్చి పెట్టిందో అందరికీ తెలిసిన విషయమే. ఈ సినిమాలో కాలేజ్ బ్యాక్ గ్రౌండ్‌లో సాగే ‘బోటనీ పాటముంది.. మేటినీ ఆట ఉంది దేనికో ఓటు చెప్పరా..’ అనే ఫేమస్ సాంగ్‌కి పూరీ జూనియర్ ఆర్టిస్ట్‌గా స్టెప్పులు వేసారు. 
 
తాజాగా ఈ పాటను ట్విట్టర్‌లో షేర్ చేసిన వర్మ.. 'బ్లూ షర్ట్‌లో కనిపించే జూనియర్ ఆర్టిస్ట్ నేటి మేటి దర్శకుడు పూరీ జగన్.. హే పూరీ జగన్ వాట్ ఏ జర్నీ' అంటూ ట్వీట్ చేయగా... దీనికి పూరీ కూడా 'ఎస్ సార్' అంటూ రిప్లై ఇచ్చారు.

Share this Story:

Follow Webdunia telugu

తర్వాతి కథనం

బిగ్ బాస్‌ -13 హోస్ట్ సల్మాన్‌కు పారితోషికం ఎంతో తెలుసా?