టాలీవుడ్ వివాదాస్పద దర్శకుడు రాంగోపాల్ వర్మ తెరకెక్కించిన చిత్రం "పవర్ స్టార్". జనసేన పార్టీ అధినేత పవన్ కళ్యాణ్‌ను లక్ష్యంగా చేసుకుని, అచ్చం ఆయనలా పోలిన డూప్‌లతో ఈ చిత్రాన్ని నిర్మించాడు. అయితే, ఈ చిత్రానికి సంబంధించిన ట్రైలర్ బుధవారం ఆర్జీవీ వ‌ర‌ల్డ్ థియేట‌ర్ డాట్ కామ్ ద్వారా విడుదల చేయాల‌ని ప్లాన్ చేశారు. అయితే ఆర్జీవీకి అనుకోని షాక్ త‌గిలింది. ఎందుకంటే.. 'ప‌వ‌ర్‌స్టార్' ట్రైలర్ లీక్ అయ్యింది. ఈ విష‌యాన్ని ఆర్జీవీ ట్విట్ట‌ర్ ద్వారా తెలియ‌జేశారు.
ట్విట్ట‌ర్ లీక్ కావ‌డంతో మ‌రో గంట‌లో ట్రైల‌ర్‌ను అధికారికంగా విడుదల చేస్తామ‌ని తెలియ‌జేశారు ఆర్జీవీ. ట్రైల‌ర్‌కు ఆర్జీవీ రూ.25ల‌ను వ‌సూలు చేశారు. ట్రైలర్ లీక్ కావ‌డంతో ఆ డ‌బ్బుల‌ను తిరిగి ఇచ్చేస్తాన‌ని రామ్‌గోపాల్ వర్మ తెలిపారు. ఈ చిత్రం ద్వారా పవన్ క‌ల్యాణ్‌ను ఆర్జీవీ టార్గెట్ చేయ‌డంతో పవన్ అభిమానులు గుర్రుగా ఉన్నారు. అంతేకాకుండా ఆయ‌న‌పైనే సినిమాలు తీయ‌డం స్టార్ట్ చేశారు. ప‌వ‌ర్‌స్టార్ సినిమాను జూలై 25వ తేదీన విడుదల కానుంది.
