శ్రీ లక్ష్మీ వృషద్దరి ప్రొడక్షన్స్, గీత ఎంటర్‌టైన్మెంట్స్ బ్యానర్‌లో రాధికా కుమార స్వామి ప్రధాన పాత్రలో రూపొందిన చిత్రం "సంహారిణి". 1980లో ఒక రాజు కుటుంబంలో జరిగే కథ. 2019లో కూడా కొనసాగుతుంది. హారర్, కామెడీ, థ్రిల్లర్‌తో రూపొందిన ఈ చిత్రానికి నవరసన్ దర్శకత్వం వహించారు.
రాజు కుమార్తె దమయంతి పాత్రలో రాధికా కుమారస్వామి నటించారు, అలాగే రాజు పాత్రలో తమిళ సీనియర్ నటుడు నటించాడు. ఈ పాత్ర పేరు రాజ బహుదూర్ విజయేంద్ర వర్మ. ఈ చిత్రాన్ని బెంగళూర్, మైసూర్ పరిసర ప్రాంతాల్లో చిత్రీకరించడం జరిగింది.
ఈ చిత్రంలో రాధిక కుమారస్వామి నటన ప్రేక్షకుల్ని మంత్రముగ్ధుల్ని చేస్తుంది. ఈ చిత్రం కోసం మూడు అద్భుతమైన భారీ సెట్స్ వేసారు. విజువల్స్ పరంగా ఎక్కడా రాజీ పడకుండా అద్భుతమైన గ్రాఫిక్స్ వర్కుతో ఈ చిత్రం ఉంటుంది.
ఈ మూవీలో సందర్భానుసారం మూడు పాటలు ఉన్నాయి. పోస్ట్ ప్రొడక్షన్ వర్క్స్ పూర్తి చేసుకొని నవంబరులో విడుదల చేయడానికి సన్నాహాలు చేస్తున్నాం. చిత్రం విడుదల ముందు ఆడియో విడుదల చెయ్యనున్నామని దర్శక నిర్మాతలు తెలిపారు.
నటీనటులు:
రాధిక కుమారస్వామి, భజరంగి లోకి, సాధు కోకిల, తబల నాని, మిత్ర,
మ్యూజిక్: ఆర్.ఎస్. గణేష్ నారాయణ్
కెమెరామెన్: పి.కె.హెచ్.దాస్
ఎడిటింగ్: మహేష్ రెడ్డి
సమర్పణ: శ్రీ లక్ష్మీ వృశుద్ధరి ప్రొడక్షన్స్
కథ స్క్రీన్ ప్లే దర్శకత్వం: నవరసన్
