ప్ర‌భాస్ జాన్ ఇప్ప‌ట్లో రిలీజ్ కాదా..?

శనివారం, 21 డిశెంబరు 2019 (17:56 IST)
యంగ్ రెబ‌ల్ స్టార్ ప్ర‌భాస్.. సాహో ఆశించిన స్ధాయిలో ఆక‌ట్టుకోక‌పోవ‌డంతో ఈసారి ఖ‌చ్చితంగా విజ‌యం సాధించాల‌నే ప‌ట్టుద‌ల‌తో ఇంకా చెప్పాలంటే క‌సితో జాన్ మూవీ చేస్తున్నాడు. ఈ చిత్రం జిల్ ఫేమ్ రాధాకృష్ణ కుమార్ ద‌ర్శ‌క‌త్వంలో రూపొందుతోంది. యు.వి. క్రియేష‌న్స్, గోపీకృష్ణ మూవీస్ సంస్థ‌లు సంయుక్తంగా ఈ సినిమాని నిర్మిస్తున్నాయి. తాజా షెడ్యూల్ స్టార్ట్ కావాలి కానీ.. క‌థ పై క‌స‌ర‌త్తులు చేస్తుండ‌డం వ‌ల‌న ఇంకా లేటెస్ట్ షెడ్యూల్ ప్రారంభం కాలేదు.
 
ప్ర‌భాస్ స‌ర‌స‌న‌ పూజా హెగ్డే హీరోయిన్‌గా నటిస్తుంది. ఈ సినిమాను వైవిధ్య‌మైన ప్రేమ‌క‌థా చిత్రంగా రూపొందిస్తుండ‌డంతో అభిమానులు ఎప్పుడెప్పుడు ఈ సినిమాని చూద్దామా అని ఎదురు చూస్తున్నారు. స‌మ్మ‌ర్ లో రిలీజ్ చేస్తార‌ని గ‌తంలో వార్త‌లు వ‌చ్చాయి కానీ.. ఇంకా తాజా షెడ్యూల్ ప్రారంభం కాక‌పోవ‌డంతో ఇప్ప‌ట్లో ఈ సినిమా రిలీజ్ ఉండ‌ద‌ని గ‌ట్టిగా ప్ర‌చారం జ‌ర‌గుతోంది.
 
ఇట‌లీ బ్యాక్ డ్రాప్‌తో రూపొందుతోన్న ఈ భారీ చిత్రం కోసం అన్న‌పూర్ణ సెవెన్ ఏక‌ర్స్ లో భారీ సెట్ వేస్తున్నారు.  ద‌స‌రాకైనా ఈ సినిమాని రిలీజ్ చేయాల‌ని ఈ చిత్ర ద‌ర్శ‌క‌నిర్మాత‌లు ప్లాన్ చేస్తున్నార‌ట‌. ప్ర‌స్తుతం ప్ర‌భాస్ విదేశాల్లో ఉన్నారు. వ‌చ్చిన త‌ర్వాత త్వ‌ర‌లో లేటెస్ట్ షెడ్యూల్ హైద‌రాబాద్ లో ప్రారంభించ‌నున్నారు. మ‌రి.. అన్నీ అనుకున్న‌ట్టుగా జ‌రిగితే ద‌సరాకి జాన్ రావ‌చ్చు. అలా జ‌ర‌గ‌క‌పోతే.. ఇంకా లేట్ కావ‌చ్చు.

వెబ్దునియా పై చదవండి

తర్వాతి కథనం బాల‌య్యా.. ఇక‌నైనా మార‌య్యా..!