'సాహో'కి బ్రేక్ ఇచ్చి మరీ మరో సినిమాకి సిద్ధమైన డార్లింగ్

మంగళవారం, 19 మార్చి 2019 (18:24 IST)
ఒక వైపున సుజిత్ దర్శకత్వంలో ఎంతో ప్రతిష్టాత్మకంగా రూపొందుతున్న 'సాహో' సినిమాలో నటిస్తూనే .. మరో వైపున రాధాకృష్ణ దర్శకత్వంలోని ఓ సినిమా చేయడానికి ప్రభాస్ రంగంలోకి దిగినట్లు తెలుస్తోంది. భారీ యాక్షన్ ఎంటర్టైనర్‌గా రూపొందుతున్న 'సాహో' చేస్తూనే, రాధాకృష్ణ దర్శకత్వంలో ఫ్యామిలీ ఎంటర్టైనర్ తొలి షెడ్యూల్‌ను యూరప్‌లో పూర్తి చేసాడు ప్రభాస్... ఈ సినిమా తదుపరి షెడ్యూల్‌ హైదరాబాద్‌లో జరుగనున్నట్లు వినికిడి. 
 
కాగా... ఈ హైదరాబాద్ షెడ్యూల్ కోసం 'సాహో'కి బ్రేక్ ఇచ్చి మరీ ఈ సినిమా షూటింగ్‌లో పాల్గొననున్నాడట ప్రభాస్. హైదరాబాద్ అన్నపూర్ణ స్టూడియోలో ఈ గురువారం నుంచి 16 రోజుల పాటు షూటింగ్ జరగనుంది. ఇందులో ప్రభాస్ .. పూజా హెగ్డే తదితరులపై కొన్ని కీలక సన్నివేశాలను చిత్రీకరించనున్నారు. 1960 కాలం నాటి నేపథ్యంలో సాగే ఈ ప్రేమకథ తెలుగు.. తమిళం.. హిందీ భాషలలో 2020లో విడుదల కానుందట.

వెబ్దునియా పై చదవండి

తర్వాతి కథనం త్రిషకి... భారీ ఛాన్స్? అమితాబ్‌ బచ్చన్‌తో కలిసి?