రెబల్ స్టార్ కృష్ణంరాజు అనారోగ్య సమస్యలతో ఆదివారం తెల్లవారుజామున తుదిశ్వాస విడిచారు. అంత్యక్రియలు సోమవారం ముగిశాయి. తెలంగాణ ప్రభుత్వ అధికార లాంఛనాలతో మొయినాబాద్లోని కనకమామిడి ఫామ్ హౌస్లో రెబల్ స్టార్ అంత్యక్రియలు నిర్వహించి నివాళులు అర్పించారు.
కృష్ణంరాజు మృతితో శోకసంద్రంలో మునిగిపోయిన ప్రభాస్.. గుండె నిండా బాధలోనూ అభిమానుల కోసం ఆలోచించారట. తన పెదనాన్న అంత్యక్రియలలో పాల్గోనేందుకు వచ్చినవారంతా తిని వెళ్లాలని భోజనం ఏర్పాట్లు చేయించారట. ఈ విషయాన్ని తెలుసుకుని సోషల్ మీడియాలో ఆయన ఫ్యాన్స్ వీడియోలు షేర్ చేస్తూ ప్రభాస్‌పై ప్రశంసలు కురిపిస్తున్నారు.
తన పెదనాన్న అంత్యక్రియలలో ఫ్యాన్స్తో ప్రభాస్ మాట్లాడుతున్న వీడియోస్ నెట్టింట వైరల్ అవుతున్నాయి. అందరూ భోజనం చేసి వెళ్లండి అంటూ చెప్పుకొచ్చాడట ప్రభాస్. మనసులో బాధను పెట్టుకుని కూడా అభిమానుల కడుపు నింపాలని ఆలోచించిన ప్రభాస్‌పై ప్రశంసలు కురిపిస్తున్నారు.
రాజు ఎక్కడున్నా రాజే.. అంటూ కామెంట్స్ చేస్తున్నారు. ఇక డార్లింగ్ తన షూటింగ్ సెట్లో అందరికీ సరిపడా భోజనాన్ని ఇంటినుంచే రెడీ చేయించి తీసుకెళ్తుంటాడనే సంగతి తెలిసిందే.
