దర్శకుడిగా మణిరత్నం విభిన్న కథాంశాలను సున్నితంగా తెరకెక్కించడంలో ప్రసిద్ధి. ముఖ్యంగా ఈయన సినిమాలు వస్తున్నాయంటే ప్రేమికులకు పండుగే అన్నమాట. ఇలాంటి మరెన్నో విభిన్నతలతో స్టార్ డైరెక్టర్‌గా పేరు తెచ్చుకున్న మణిరత్నం చాలాకాలంగా సక్సెస్‌ను చూడలేకపోతున్నాడు.
చివరగా వచ్చిన నవాబ్ కూడా కొంత ఫర్వాలేదనిపించనా మణిరత్నం మ్యాజిక్ మిస్ అయిందనే టాక్ వచ్చింది. ఈ సినిమా కూడా ఆయన అరవిందస్వామి, శింబు, విజయ్‌సేతుపతి, అరుణ్‌ విజయ్ వంటి భారీ తారాగణంతో రూపొందించాడు.
ప్రస్తుతం ఆయన తీస్తున్న మరో క్రేజీ మల్టీస్టారర్ 'పొన్నియన్‌ సెల్వన్' చారిత్రక సినిమాగా తెరకెక్కుతోంది. విక్రమ్‌ ఇందులో ఓ కథానాయకుడిగా కనిపించనుండగా, విజయ్ సేతుపతి, ఐశ్వర్యరాయ్, మోహన్‌బాబు, కార్తి, కీర్తి సురేష్, జయం రవి తదితరులు ప్రధాన పాత్రల్లో కనిపించబోతున్నారు.
ప్రస్తుతం ప్రీప్రొడక్షన్‌ దశలో ఉన్న ఈ సినిమా షూటింగ్ ఇప్పటికే మొదలైంది. కల్కీ రచించిన చారిత్రక నవల 'పొన్నియిన్‌ సెల్వన్' ఆధారంగా రూపొందుతున్న ఈ సినిమా పోస్టర్‌ను విడుదల చేయగా మంచి ఆదరణ లభిస్తోంది.
