పవర్ స్టార్ పవన్ కళ్యాణ్‌ నటిస్తున్న తాజా చిత్రం వకీల్ సాబ్. ఈ చిత్రానికి వేణు శ్రీరామ్ దర్శకత్వం వహిస్తున్నారు. టాలీవుడ్ ప్రొడ్యూసర్ దిల్ రాజు - బాలీవుడ్ ప్రొడ్యూసర్ బోనీ కపూర్ సంయుక్తంగా ఈ సినిమాని నిర్మిస్తున్నారు. ఇందులో అంజలి, నివేథా థామస్, అనన్య కీలక పాత్రలు పోషిస్తున్నారు. ఇందులో పవన్ కళ్యాణ్‌ లాయర్ క్యారెక్టర్ చేస్తున్నారు.
పింక్ రీమేక్‌గా రూపొందుతోన్న ఈ సినిమా బాలీవుడ్‌లో, కోలీవుడ్‌లో సక్సస్ సాధించినట్టుగానే టాలీవుడ్‌లో కూడా సక్సస్ సాధిస్తుందని ఫ్యాన్స్ గట్టి నమ్మకంతో ఉన్నారు.
అయితే... కరోనా వలన షూటింగ్స్ అన్నీ ఆగిపోయాయి. దీంతో వకీల్ సాబ్ షూటింగ్ ఆగిపోవడంతో అసలు ఈ సినిమా షూటింగ్ ఎంతవరకు అయ్యింది. ? ఎప్పుడు తెర పైకి వచ్చే అవకాశం ఉందని పవన్ అభిమానులు ఆరా తీస్తున్నారు.
తాజా సమాచారం ప్రకారం... ఈ సినిమా నిడివి దాదాపు రెండున్నర గంటలు అయితే.. అందులో రెండు గంటల సినిమా షూటింగ్ పూర్తయ్యింది. ఇంకా ఓ అరగంట నిడివి కల సన్నివేశాలను మాత్రం చిత్రీకరించాల్సి వుందని తెలిసింది. ఎప్పుడు షూటింగ్స్‌కి అనుమతి ఇస్తే.. అప్పటి నుంచి షూటింగ్స్ స్టార్ట్ చేసేలా ప్లాన్ చేస్తున్నారు.
ఇక రిలీజ్ డేట్ విషయానికి వస్తే.. మే 15న ఈ సినిమాని రిలీజ్ చేయాలి అనుకున్నారు కానీ.. అది జరగని పని. తాజా సమాచారం ప్రకారం... ఆగష్టులో ఈ సినిమాని రిలీజ్ చేయాలి అనుకుంటున్నారని వార్తలు వస్తున్నాయి. అంతా సెట్ అయిన తర్వాత రిలీజ్ డేట్ ఎప్పుడు అనేది అఫిషియల్‌గా ఎనౌన్స్ చేస్తారని టాక్.
