పవన్ 'రీల్' హీరో కాదు.. "రియల్" హీరో .. తమ్మారెడ్డి (వీడియో)
టాలీవుడ్ దర్శక నిర్మాత తమ్మారెడ్డి భరద్వాజ్. ఈయన "నా ఆలోచన" పేరుతో తన మనసులోని విషయాలను రికార్డు చేసి వాటిని యూట్యూబ్ చానెల్‌లో పోస్ట్ చేస్తుంటారు. తాజాగా పవన్ కళ్యాణ్ ప్రజా పోరాట యాత్రపై ఆయన తన అభిప్
టాలీవుడ్ దర్శక నిర్మాత తమ్మారెడ్డి భరద్వాజ్. ఈయన "నా ఆలోచన" పేరుతో తన మనసులోని విషయాలను రికార్డు చేసి వాటిని యూట్యూబ్ చానెల్‌లో పోస్ట్ చేస్తుంటారు. తాజాగా పవన్ కళ్యాణ్ ప్రజా పోరాట యాత్రపై ఆయన తన అభిప్రాయాన్ని వెల్లడించారు.
ప్రధానంగా తన ఆలోచనలు, పవన్ ఆలోచనలు ఒకే విధంగా ఉన్నాయని చెప్పుకొచ్చిన తమ్మారెడ్డి.. తన మనసులో ఎలాంటి ప్రశ్నలు ఉత్పన్నమవుతాయో.. అలాంటి ప్రశ్నలనే పవన్ లేవనెత్తుతున్నారని చెప్పారు. ఇపుడు పవన్‌ను చూస్తుంటే నిజంగా చాలా సంతోషంగా ఉందన్నారు.
ఒక నిజమైన లీడర్ ప్రజల ముందుకు వచ్చారనే సంతృప్తి ఉందన్నారు. అయితే, పవన్ ముందుగా ప్రకటించినట్టుగా 175 అసెంబ్లీ సీట్లకు అవసరమైన అర్హులైన అభ్యర్థులను ఎంపిక చేసుకోవాలని ఆయన సూచించారు. ఈ విషయంలో స్వర్గీయ ఎన్టీఆర్ అనుసరించిన విధానాన్ని పాటించాలని కోరారు. తమ్మారెడ్డి భరద్వాజ్ పోస్ట్ చేసిన వీడియోను మీరూ చూడండి.
