యువ హీరో నితిన్ లై, ఛల్ మోహ‌న రంగ, శ్రీనివాస కళ్యాణం..వ‌రుస ప‌రాజ‌యాల‌తో ఈసారి చేయ‌నున్న భీష్మ సినిమా విష‌యంలో చాలా జాగ్ర‌త్త‌లు తీసుకుంటున్నాడ‌ట. అవును.. నితిన్ ఛలో ఫేమ్ వెంకీ కుడుముల దర్శకత్వంలో భీష్మ అనే చిత్రంలో నటించనున్నాడు. ఈ సినిమా ప్ర‌స్తుతం ప్రీ ప్రొడక్షన్ వర్క్ జరుపుకుంటుంది. సితార ఎంటర్టైన్మెంట్స్ పతాకంపై నాగవంశీ ఈ చిత్రాన్ని నిర్మిస్తున్నాడు. ఇందులో నితిన్ స‌ర‌స‌న ర‌ష్మిక న‌టించ‌నుంది.
ఇక అస‌లు విష‌యానికి వ‌స్తే... ఈ చిత్రాన్ని వ‌చ్చే సంవ‌త్స‌రం జ‌న‌వ‌రి మొద‌టివారంలో సెట్స్ పైకి తీసుకువెళ్లేందుకు ప్లాన్ చేస్తున్నారు. కమర్షియల్ ఎంటర్టైనర్‌గా తెరకెక్కనున్న ఈచిత్రంలో నితిన్ కొత్త లుక్‌లో కనిపించనున్నాడు. ఇది ఖ‌చ్చితంగా నితిన్‌కి ఆశించిన విజ‌యాన్ని అందిస్తుంద‌నే న‌మ్మ‌కంతో ఉన్నాడు. మ‌రి.. భీష్మ ఏం చేస్తాడో చూడాలి.
