మంచు విష్ణు కీలక పాత్రలో నటించిన చిత్రం "కన్నప్ప". బాలీవుడ్ దర్శకుడు ముఖేశ్ కుమార్ సింగ్. అన్ని కార్యక్రమాలు పూర్తి చేసుకున్న ఈ మూవీ జూన్ 27వ తేదీన ప్రపంచ వ్యాప్తంగా విడుదలకానుంది. ఈ సందర్భంగా నిర్వహిస్తున్న ప్రమోషన్స్‌లో భాగంగా టీమ్ కేరళ వెళ్ళింది. కోచ్చిన్‌లో జరిగిన ట్రైలర్ విడుదల వేడుకకు అగ్రహీరో మోహన్ లాల్, మోహన్ బాబుల మధ్య ఆసక్తికర సంభాషణ జరిగింది. ప్రస్తుతం ఇది సామాజిక మాధ్యమాల వేదికగా వైరల్ అవుతోంది.
మోహన్ లాల్ చిత్రంలో విలన్‌గా నటించాలన్న ఆశ ఉందని డాక్టర్ మోహన్ బాబు అన్నారు. దీనిపై స్పందిస్తూ, "ఇప్పటివరకూ నేను చూసిన స్వీట్ పర్సన్‌లో మోహన్ బాబు సర్ కూడా ఒకరు. సుమారు 600 సినిమాలు చేశారు. మీరు హీరో, నేను విలన్‌గా చేస్తా. నాకు ఆ భాగ్యం కల్పించండి.
విలన్‌గానే ఎందుకు చేయాలనుకుంటున్నారు. ఆంటోనీ ఇది సాధ్యమవుతుందా.. మీరు విలన్‌గా చేస్తే మొదటి సీన్‌లోనే మిమ్మల్ని కాల్చి చంపేస్తా" అంటూ వ్యాఖ్యానించారు. ఈ సంభాషణ ప్రస్తుతం సామాజిక మాధ్యమాల వేదికగా నవ్వులు పూయిస్తోంది.
