ప్రముఖ యూట్యూబ్ చానెల్ మ్యాంగో వివాదంలో చిక్కుంది. దీంతో ఈ చానెల్ అధినేత రామ్ వీరపనేని ఇపుడు చిక్కుల్లో పడినట్టు సమాచారం. ఈయన టాలీవుడ్ ప్రముఖ సింగర్ సునీత భర్త. రామ్ వీరపనేనిని సునీత్ ప్రేమించి పెళ్లిచేసుకున్నారు. ఈయన మ్యాంగో యూట్యూబ్ చానెల్‌ను నిర్వహిస్తున్నారు.
ఈ చానెల్‌లో పోస్ట్ చేసిన కొన్ని వీడియోలలో గౌడ వర్గానికి చెందిన మహిళలను వేశ్యలుగా చిత్రీకరించారంటూ గౌడ కుల సంఘాలు ఆరోపిస్తూ ఆందోళనకు దిగాయి. పైగా, ఈ వీడియోలను తక్షణం తొలగించాలంటూ వారు డిమాండ్ చేస్తున్నారు. అయితే, ఈ వార్తల్లో నిజమెంతో ఆ యూట్యూబ్ చానెల్ వర్గాలు స్పందించాల్సివుంది.
