'లెక్క పెట్టకుండా తీస్తే లెక్క లేనంత వస్తుంది' : అల్లు అర్జున్
అలనాటి నటి సావిత్రి జీవిత కథ ఆధారంగా తెరకెక్కిన చిత్రం "మహానటి". ఈనెల 9వ తేదీన విడుదలైన ఈ చిత్రం ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. ఈ చిత్రం విజయాన్ని పురస్కరించుకుని నిర్మాత అల్లు
అలనాటి నటి సావిత్రి జీవిత కథ ఆధారంగా తెరకెక్కిన చిత్రం "మహానటి". ఈనెల 9వ తేదీన విడుదలైన ఈ చిత్రం ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. ఈ చిత్రం విజయాన్ని పురస్కరించుకుని నిర్మాత అల్లు అరవింద్, హీరో అల్లు అర్జున్ కలిసి ఆదివారం చిత్ర దర్శక నిర్మాతలను సత్కరించారు.
ఈ సందర్భంగా అల్లు అర్జున్ మాట్లడుతూ.. 'ఈ సినిమా చూశాక.. అశ్విని‌కి కాల్ చేసి.. సూపర్ హిట్.. బ్లాక్ బస్టర్.. వంటి పిచ్చి పదాలు వాడకుండా.. అశ్విన్ థ్యాంక్యూ ఫర్ మేకింగ్ అజ్ ప్రౌడ్ అని చెప్పాను. సినిమా చూశాక అనీజీగా, రెస్ట్ లెస్‌గా ఫీల్ అయ్యాను.. జెట్ లాగ్ లేకుండా.. జెట్ లాగ్ పిల్ వేసుకుని పడుకున్నా.. అంతలా ప్రభావితం చేసింది నన్ను 'మహానటి'.
మంచి స్క్రిప్ట్ ఉంటే అయస్కాంతంలా మంచి టెక్నీషియన్స్, మంచి ఆర్టిస్టులు వచ్చి హత్తుకుంటారు అని ప్రూవ్ చేసింది ఈ సినిమా. స్వప్న, ప్రియాంక, అశ్వినీదత్‍‌గారు మీరు తప్ప ఇంకెవరూ ఈ సినిమాని తీయలేరు. లెక్క పెట్టి తీస్తే లెక్కంతే వస్తుంది. లెక్క పెట్టకుండా తీస్తే లెక్క లేనంత వస్తుంది. ఈ సినిమా ఎంత చేసింది అనేది కాదు.. సినిమా ఈజ్ నాట్ ఎ నెంబర్ ఇట్స్ ఎ ఎక్స్‌పీరియన్స్. 'మహానటి' సినిమా వెలకట్టలేనిది. థ్యాంక్యు అశ్వినీదత్‌గారికి సినిమా మీద ఉన్న ప్యాషన్‌కి హ్యాట్స్ ఆఫ్’’ అని పేర్కొన్నాడు.
