సూప‌ర్ స్టార్ మ‌హేష్ బాబుతో భరత్ అను నేను మూవీలో న‌టించి మెప్పించిన బాలీవుడ్ భామ కియ‌రా అద్వానీ. తొలి సినిమాతోనే టాలీవుడ్లో స‌క్స‌ెస్ సాధించి అంద‌రి దృష్టిని ఆక‌ర్షించింది. స్టార్ హీరోయిన్‌గా గుర్తింపు పొందిన కియారా... ఆ తర్వాత వెంటనే మెగా పవర్ స్టార్ రామ్ చరణ్ సరసన వినయ విధేయ రామ సినిమాలో ఛాన్స్ కొట్టేసింది.
కానీ సరైన కంటెంట్ లేకపోవడంతో బాక్సాఫీస్ వద్ద బోల్తా కొట్టింది ఈ సినిమా. కానీ... అర్జున్ రెడ్డి రీమేక్‌గా హిందీలో వచ్చిన కబీర్ సింగ్‌తో బ్లాక్ బస్టర్ హిట్ అందుకుంది.
ప్రస్తుతం ఆ మూవీ సక్సెస్‌ను ఎంజాయ్ చేస్తున్న కియారా.. లారెన్స్ దర్శకత్వంలో వస్తున్న లక్ష్మి బాంబ్ సినిమాలో నటిస్తుంది. ఈ సినిమా తెలుగులో వచ్చిన కాంచన మూవీకి రీమేక్ కాగా... అక్షయ్ కుమార్ హీరో.
అయితే బాలీవుడ్ హీరో సిద్దార్థ్ మల్హోత్రాతో ఈ అమ్మడు డేటింగ్లో ఉన్నట్లు వార్తలు వస్తున్నాయి. ఈమధ్య ఓ ఛానెల్‌కు ఇచ్చిన ఇంటర్వ్యూలో వీటన్నిటికీ సమాధానం ఇచ్చింది. తమ మధ్య అలాంటిది ఏమి లేదని స్పష్టం చేసింది. కానీ భవిష్యత్తులో పెద్దలు కుదిర్చిన పెళ్లి కాకుండా ... ప్రేమ వివాహం చేసుకుంటాను అని స్పష్టం చేసింది. అదీ..సంగ‌తి..!
