Select Your Language

Notifications

webdunia
webdunia
webdunia
webdunia
Advertiesment

బన్నీతో మరోసారి చిందేయనున్న చందమామ?

webdunia
గురువారం, 22 ఆగస్టు 2019 (13:21 IST)
అందాల చందమామ కాజల్ అగర్వాల్ ఎన్టీఆర్ హీరోగా నటించిన జనతా గ్యారేజ్ చిత్రంలో పక్కా లోకల్.. అనే స్పెషల్ సాంగ్‌లో ఊర మాస్ స్టెప్పులు వేసి అభిమానుల్ని ఫిదా చేసింది. తాజాగా ఆమె మరో ఐటెంసాంగ్‌కు గ్రీన్‌సిగ్నల్ ఇచ్చినట్లు సమాచారం. అల్లు అర్జున్ హీరోగా త్రివిక్రమ్ దర్శకత్వంలో రూపొందుతున్న తాజా చిత్రం అల వైకుంఠపురంలో. 
 
మాటల మాంత్రికుడు త్రివిక్రమ్ ఈ సినిమాను కుటుంబ అనుబంధాలు, అప్యాయతల కలబోతగా రూపొందిస్తున్నారు. ఈ చిత్రంలో కథకు తగ్గట్టు ఓ స్పెషల్ సాంగ్‌ని తెరకెక్కించేందుకు దర్శకుడు సన్నాహాలు చేస్తున్నట్లు తెలిసింది. ఈ పాటలో కాజల్ ఆడిపాడనుందని చెబుతున్నారు. సినిమాలో కథకు తగ్గట్టు సందర్భానుసారం ఈ పాట రావడం వల్ల ఈ ఐటెంసాంగ్‌లో నర్తించడానికి కాజల్ అంగీకరించినట్లు సమాచారం. 
 
త్వరలో ఈ పాటను అల్లు అర్జున్, కాజల్‌లపై భారీ హంగులతో తెరకెక్కించనున్నట్లు తెలిసింది. పూజా హెగ్డే కథానాయికగా నటిస్తున్న ఈ చిత్రంలో టబు, సుశాంత్ కీలక పాత్రలను పోషిస్తున్నారు. హారిక హాసిని, గీతా ఆర్ట్స్ సంస్థలు ఈ చిత్రాన్ని సంయుక్తంగా నిర్మిస్తున్నాయి. షూటింగ్ శరవేగంగా జరుపుకుంటున్న ఈ చిత్రం వచ్చే ఏడాది సంక్రాంతికి ప్రేక్షకుల ముందుకురానుంది.

Share this Story:

Follow Webdunia Hindi

తర్వాతి కథనం

ఆ హీరో పెళ్లి ఆగిపోయినట్టేనా... మనస్పర్థలే కారణమా?