సెలబ్రిటీలు అంటే చాలు. ఏదో ఒక గాలి కబురు పుట్టించడం మామూలే. తాజాగా శ్రీమంతుడు చిత్రంలో మహేష్ బాబుకి తల్లిగా నటించిన సుకన్యపైన ఓ వార్త హల్చల్ చేస్తుంది. అదేంటంటే.. ఆమె త్వరలో పెళ్లి చేసుకోబోతోందని. ఈ వార్తపై సుకన్య షాక్ తిన్నట్లు చెప్పారు.
తన వయసు ఇపుడు 50 ఏళ్లనీ, ఈ వయసులో తను పెళ్లి చేసుకుని పిల్లల్ని కంటే... వారు తనను అమ్మ అని పిలవాలా... లేదా అమ్మమ్మా అని పిలవాలా అంటూ చెప్పుకొచ్చారు. 2002 సంవత్సరంలో శ్రీధరన్ అనే వ్యక్తిని పెళ్లి చేసుకున్న సుకన్య అమెరికా వెళ్లారు. ఐతే అదే యేడాది అతడితో విడాకులు తీసుకుని ఇండియాకి వచ్చి స్థిరపడ్డారు. ఇక అప్పట్నుంచి అడపాదడపా పాత్రలు పోషిస్తూ సినిమాల్లో రాణిస్తున్నారు. ఐతే తాజాగా ఆమె రెండో పెళ్లి చేసుకుంటున్నారంటూ వార్తలు వచ్చాయి.
ఈ వార్తలపై సుకన్య ఆశ్చర్యం వ్యక్తం చేసారు. ఐతే తను పెళ్లి చేసుకోబోనని మాత్రం చెప్పలేదు. దీన్నిబట్టి నిజంగానే ఆమె రెండో పెళ్లి చేసుకోబోతున్నారా అనే అనుమానాలు వ్యక్తమవుతున్నాయి.
