''మహానటి'' శాటిలైట్ రైట్స్‌కు రెక్కలు.. రూ.10కోట్లు పలికిందట..?
''మహానటి'' సినిమా కలెక్షన్ల వర్షం కురిపిస్తోంది. రెగ్యులర్ మాస్ సినిమా కాకపోవడం, పక్కా బయోపిక్ కావడంతో.. మహానటిని రిలీజ్‌కు ముందే అమ్ముకుంటే మంచిదని భావించి మార్కెట్లో పెట్టాడు. కానీ రిలీజ్‌కు ముందు మ
''మహానటి'' సినిమా కలెక్షన్ల వర్షం కురిపిస్తోంది. రెగ్యులర్ మాస్ సినిమా కాకపోవడం, పక్కా బయోపిక్ కావడంతో.. మహానటిని రిలీజ్‌కు ముందే అమ్ముకుంటే మంచిదని భావించి మార్కెట్లో పెట్టాడు. కానీ రిలీజ్‌కు ముందు మహానటి శాటిలైట్ రైట్స్ అమ్ముడుపోలేదు.
కొన్ని టాప్ ఛానల్స్ మధ్య గట్టిపోటీ నడిచినప్పటికీ డీల్ మాత్రం కుదరలేదు. అయితే ఇంతలో మహానటి రిలీజ్ అయ్యింది. ఇప్పుడీ సినిమాకు థియేటర్లలో పాజిటివ్ టాక్ రావడంతో ''మహానటి'' శాటిలైట్ రైట్స్‌కు రెక్కలొచ్చాయి.
''మహానటి'' ప్రాజెక్టులోకి మంచి క్రేజ్ వున్న ఆర్టిస్టులు చేరడంతో.. ఈ చిత్రానికి అనూహ్య ఆదరణ లభించింది. విడుదలకు తర్వాత మహానటి శాటిలైట్ రైట్స్ కోసం కొన్ని ఛానల్స్ పోటీపడ్డాయట. ఇక ఈ సినిమాకి వస్తోన్న రెస్పాన్స్ చూసిన ఒక ఛానల్ రూ.10 కోట్లు చెల్లించి శాటిలైట్ రైట్స్‌ను సొంతం చేసుకున్నట్టుగా సమాచారం.
