ఎట్టకేలకు తెలుగు యువ హీరో నిఖిల్ పెళ్లి తంతు ముగిసింది. కరోనా వైరస్ కారణంగా ఈ పెళ్లికి అవాంతరాలు జరుగుతూ వచ్చాయి. దీంతో గత నెలలో జరగాల్సిన పెళ్లి మే నెలకు వాయిదాపడింది. అయితే, లాక్డౌన్ ఇంకా అమల్లో వుండటంతో పెళ్లిని నిరవధికంగా వాయిదావేసుకున్నారు.
కానీ, ఇటీవల లాక్డౌన్ నిబంధనలను కేంద్రం సడలించడంతో పలువురు సెలెబ్రిటీలు ముందుగా కుదుర్చుకున్న వివాహాలను అతి కొద్ది మంది అతిథుల సమక్షంలో జరిపించుకుంటున్నారు. ఆ కోవలోనే ఇపుడు హీరో నిఖిల్ వివాహం పూర్తయింది.
హీరో నిఖిల్.. పల్లవి వర్మ అనే డాక్టర్‌ను వివాహం చేసుకున్నాడు. ఇది పెద్దల అంగీకారంతో జరిగింది. నిఖిల్‌ని పెళ్లి ఫోటోలు ఇపుడు సోషల్ మీడియాలో వైరస్ అవుతున్నాయి.
లాక్డౌన్ నిబంధనల నేపథ్యంలో, అతి కొద్ది మంది బంధువులు, సన్నిహితులు మాత్రమే వేడుకకు హాజరయ్యారు. హైదరాబాద్ శివార్లలోని ఓ ఫామ్‌హౌస్‌లో ఈ పెళ్లి జరిగింది. వాస్తవానికి ఏప్రిల్ 16నే పెళ్లి జరగాల్సి ఉంది. అయితే లాక్డౌన్ కారణంగా వివాహం వాయిదా పడిన విషయం తెల్సిందే.
