టాలీవుడ్ బడా నిర్మాత దిల్ రాజు. ఈయన ఇటీవల రెండో వివాహం చేసుకున్నారు. లాక్డౌన్ వేళ ఇరు కుటుంబ సభ్యుల సమక్షంలో నిజామాబాద్‌లోని నార్సింగపల్లిలో ఉన్న శ్రీవేంకటేశ్వర ఆలయంలో వీరి వివాహం ఆదివారం రాత్రి జరిగింది.
అయితే, వధువు వివరాలను దిల్ రాజు అత్యంత గోప్యంగా ఉంచారు. చివరకు వధువు ఫోటోను కూడా ఆయన బయటకు లీక్ కాకుండా జాగ్రత్తలు తీసుకున్నారు. చివరకు పెళ్లి అయిన తర్వాత దిల్ రాజు దంపతుల ఫోటోలు సోషల్ మీడియాలో వైరల్ అయ్యాయి.
అయితే, వివాహం తర్వాత తన భర్తతో కలిసి భార్య తేజస్విని సెల్ఫీ దిగింది. ఈ సెల్ఫీని కూడా ఆమె స్వయంగా తీసింది. ఈ సెల్ఫీని సోషల్ మీడియాలో షేర్ చేయగా ఆ ఫోటో కూడా వైరల్ అయింది. కాగా, తన తండ్రికి రెండో భార్యను దిల్ రాజు కుమార్తె హన్షితా రెడ్డి స్వయంగా ఎంపిక చేసి, ఈ పెళ్లి చేసిన విషయం తెల్సిందే.
కాగా, దిల్ రాజు మొదటి భార్య అనిత అనారోగ్యం కారణంగా గత 2017లో చనిపోయింది. అప్పటి నుంచి ఆయన వివవాహం చేసుకోలేదు. పైపెచ్చు.. తన మొదటి కుమార్తె హన్షితకు వివాహం జరిపించారు. అయితే, తండ్రి ఒంటరిగా ఉండటాన్ని జీర్ణించుకోలేక పోయిన కుమార్తె హన్షిత... స్వయంగా రంగంలోకి దిగి ఈ వివాహాన్ని జరిపించారు.
