మెగాస్టార్ చిరంజీవి, సెన్సేషనల్ డైరెక్టర్ అనిల్ రావిపూడి కాంబినేషన్‌లో సినిమా తెరకెక్కబోతుంది. ఈ చిత్రం పూజా కార్యక్రమం ఉగాది రోజున జరుగనుంది. సినిమా షూటింగును జాన్ నుంచి ప్రారంభించాలన్న మేకర్స్ భావిస్తున్నారు. ఈ వార్త మెగా ఫ్యాన్స్‌లో జోష్ నింపుతోంది. అనిల్ రావిపూడి దర్శకత్వంలో వచ్చిన సినిమాలన్నీ సూపర్ హిట్ అయ్యాయి. ఈ నేపథ్యంలో ఈ సినిమాపై ప్రేక్షకుల్లో భారీ అంచనాలు నెలకొన్నాయి.
కాగా, చిరు - అనిల్ కాంబినేషన్‌లో వస్తున్న ఈ చిత్రం పూర్తి హాస్య భరితంగా తెరకెక్కనుంది. ప్రేక్షకులను కడుపుబ్బ నవ్విస్తుందని భావిస్తున్నారు. ఈ సినిమా షూటింగ్ జూన్ నుంచి ప్రారంభంకానుంది. 2026 సంక్రాంతికి సినిమా విడుదల చేయాలని ప్లాన్ చేస్తున్నారు. ఈ చిత్రాన్ని షైన్ స్క్రీన్ బ్యానర్‌పై సాహు గారపాటి నిర్మిస్తుండగా, భీమ్స్ సిసిరోలియా సంగీతం అందిస్తున్నారు. హీరోయిన్లు, ఇతర నటీనటుల ఎంపిక జరగాల్సివుంది.
కాగా, గత సంక్రాంతికి వెంకటేష్ - అనిల్ రావిపూడి కాంబినేషన్‌లో వచ్చిన "సంక్రాంతికి వస్తున్నాం" ఘన విజయం సాధించిన విషయం తెల్సిందే. ప్రముఖ నిర్మాత దిల్ రాజు నిర్మించిన ఈ చిత్రంలో ఐశ్వర్య రాజేష్, మీనాక్షి చౌదరిలు హీరోయిన్లుగా నటించిన విషయం తెల్సిందే. ఈ చిత్రం ఏకంగా రూ.300 కోట్లకు పైగా కలెక్షన్లు రాబట్టి సంక్రాంతి మెగా బ్లాస్టర్ హిట్‌గా నిలిచిన విషయం తెల్సిందే.
