Publish Date: Fri, 14 Oct 2022 (16:05 IST)
Updated Date: Fri, 14 Oct 2022 (16:13 IST)
హీరో సందీప్ కిషన్ తో లిప్ లాక్ లో మునిగిపోయింది. గత కొంతకాలంగా సరైన హిట్ లేని సందీప్..ప్రస్తుతం 'మైఖేల్' అనే సినిమా చేస్తున్నాడు. రంజిత్ జయకోడి దర్శకత్వం వహిస్తున్న ఈ సినిమాలో 'మజిలీ' బ్యూటీ దివ్యాంశ కౌశిక్ హీరోయిన్ గా నటిస్తోంది.
మక్కల్ సెల్వన్ విజయ్ సేతుపతి స్పెషల్ యాక్షన్ రోల్ లో నటిస్తుండగా.. గౌతమ్ వాసుదేవ్ మీనన్ విలన్ గా కనిపించనున్నారు. ఈ చిత్రాన్ని శ్రీ వెంకటేశ్వర సినిమాస్ ఎల్ఎల్పీ మరియు కరణ్ సి ప్రొడక్షన్స్ ఎల్ఎల్పి బ్యానర్స్ సంస్థలు ఈ రూపొందిస్తున్నాయి. వరలక్ష్మి శరత్ కుమార్ - వరుణ్ సందేశ్ - అనసూయ భరద్వాజ్ తదితరులు కీలక పాత్రలు పోషిస్తున్నారు.
తాజాగా ఈ చిత్ర ఫస్ట్ లుక్ ను అక్టోబర్ 20 న విడుదల చేయబోతున్నట్లు తెలుపుతూ ఓ రొమాంటిక్ పోస్టర్ ను రిలీజ్ చేసారు మేకర్స్. ఈ పోస్టర్ లో దివ్యాంశ కౌశిక్ ని ఓ బైక్ పై కూర్చోబెట్టి.. సందీప్ కిషన్ ఆమెకు గాఢమైన లిప్ లాక్ ఇస్తూ కనిపించాడు. ఈ ఫోటో నెట్టింట వైరల్ అవుతోంది.
