స్పైడర్ మ్యాన్ సిరీస్‌లో 'స్పైడర్ మ్యాన్: నో వే హోమ్' అనే చిత్రం స్పైడర్ మ్యాన్ సిరీస్‌గా విడుదలైంది. అయితే, సైబర్ మోసగాళ్లు ఈ చిత్రం సాయంతో వల విసిరినట్టు సైబర్ సెక్యూరిటీ సంస్థ కాస్పర్ స్కీ వెల్లడించింది.
ఈ సినిమాను విడుదలకు ముందే చూడొచ్చంటూ మోసగాళ్లు ఇంటర్నెట్‌లో స్పైడర్ మ్యాన్ అభిమానులను ఊరిస్తూ కొన్ని వెబ్ సైట్ల లింకులు ఉంచారని తెలిపింది. ఆ లింకులను క్లిక్ చేయగానే, మీ వివరాలు నమోదు చేసుకోండి అంటూ కొన్ని సూచనలు కనిపిస్తాయని, వారు చెప్పినట్టే రిజిస్టర్ చేసుకుంటే అంతే సంగతులు అని పేర్కొంది.
ఆ వివరాల్లో భాగంగా క్రెడిట్ కార్డు వివరాలు కూడా ఇవ్వాల్సి ఉంటుందని వివరించింది. ఇంకేముంది, రిజిస్ట్రేషన్ పూర్తయిన కాసేపటికే వారి ఖాతాలో ఉన్న మొత్తం కూడా ఖాళీ అవుతుందని, క్రెడిట్ కార్డు వివరాలు దొంగిలించిన సైబర్ మోసగాళ్లు బ్యాంకు ఖాతాల నుంచి కాజేస్తున్నారని కాస్పర్ స్కీ వెల్లడించింది.
