గోపీచంద్ చాణ‌క్య ట్రైల‌ర్ రిలీజ్. ఇంత‌కీ.. ట్రైల‌ర్ ఎలా ఉంది..?

శుక్రవారం, 27 సెప్టెంబరు 2019 (13:18 IST)
గోపీచంద్ హీరోగా న‌టిస్తున్న తాజా చిత్రం చాణక్య. ఈ చిత్రంలో గోపీచంద్ స‌ర‌స‌న‌ మెహ్రీన్ న‌టిస్తుంది. యాక్ష‌న్ స్పై థ్రిల్ల‌ర్ గా రూపొందుతోన్న ఈ సినిమాని త‌మిళ ద‌ర్శ‌కుడు తిరు తెర‌కెక్కిస్తున్నారు. ఎ.కె.ఎంటర్‌టైన్‌మెంట్స్ బ్యానర్ పై రామబ్రహ్మం సుంకర ఈ సినిమాని నిర్మిస్తున్నారు. ద‌స‌రా కానుక‌గా ఈ సినిమా అక్టోబ‌ర్ 5న రిలీజ్ కానుంది. 
 
ఈ సంద‌ర్భంగా ఈ మూవీ ట్రైల‌ర్ ను రిలీజ్ చేసారు.ట్రైల‌ర్ విష‌యానికి వ‌స్తే...  ప్రధాన పాత్రధారులందరినీ కవర్ చేస్తూ ఈ ట్రైలర్ ను కట్ చేశారు. లవ్ .. యాక్షన్ .. కామెడీకి సంబంధించిన సన్నివేశాలపై కట్ చేసిన ట్రైలర్ విశేషంగా ఆకట్టుకుంటోంది. ఈ చిత్రంలో గోపీచంద్ రామ‌కృష్ణ అనే బ్యాంకు ఉద్యోగిగా, అర్జున్ అనే రా ఏజెంట్‌గా క‌నిపిస్తున్నాడు.
 
ఇది కరాచీ నేపథ్యంలో మాఫియా చుట్టూ అల్లుకున్న కథ అనే విషయం ఈ ట్రైలర్ ను బట్టి తెలుస్తోంది. విశాల్ చంద్రశేఖర్ సంగీతం అందిస్తోన్న ఈ చిత్రానికి వెట్రి సినిమాటోగ్రఫీ అందిస్తున్నారు.

ఈ సినిమాలో గోపీచంద్ గడ్డంతో ఉన్న లుక్‌లో కొత్త‌గా క‌నిపిస్తున్నాడు. నాజర్, జరీన్ ఖాన్, రాజేశ్ ఖట్టర్, అరుణ్ కుమార్ ముఖ్య పాత్ర‌ల్లో కనిపిస్తున్నారు. స‌క్స‌స్ కోసం త‌పిస్తున్న గోపీచంద్ కి చాణ‌క్య ఎలాంటి ఫ‌లితాన్ని అందిస్తుందో చూడాలి.

వెబ్దునియా పై చదవండి

తర్వాతి కథనం సైరాపై రామ్ గోపాల్ వ‌ర్మ షాకింగ్ కామెంట్స్..!