Select Your Language

Notifications

webdunia
webdunia
webdunia
webdunia
Advertiesment

విజయ్ దేవరకొండ - సుకుమార్ కాంబినేషన్లో భారీ చిత్రం, అఫిషియల్ ఎనౌన్స్‌మెంట్..!

విజయ్ దేవరకొండ - సుకుమార్ కాంబినేషన్లో భారీ చిత్రం, అఫిషియల్ ఎనౌన్స్‌మెంట్..!
, సోమవారం, 28 సెప్టెంబరు 2020 (20:04 IST)
సెన్సేషనల్ హీరో విజయ్ దేవరకొండ, క్రియేటివ్ డైరెక్టర్ సుకుమార్ కలయికలో ఓ క్రేజీ ప్రాజెక్ట్ రాబోతుంది. ఈ సినిమాతో కేదార్ సెలగంశెట్టి అనే యువ నిర్మాత ఇండస్ట్రీ కి పరిచయం కాబోతున్నారు. తన సంస్థ ఫాల్కన్ క్రియేషన్స్ ఎల్ఎల్పి బ్యానర్ పైన ఆయన ఈ చిత్రాన్ని నిర్మించనున్నారు. సినిమాల మీద ప్యాషన్‌తో ఇండస్ట్రీకి వచ్చిన కేదార్ భవిష్యత్‌లో వరుసగా సినిమాలు చేయబోతున్నారు.
 
 అందులో భాగంగా తన మొదటి సినిమాను స్టార్ హీరో విజయ్ దేవరకొండ, స్టార్ డైరెక్టర్ సుకుమార్‌లతో చేయబోతున్నట్టు తన పుట్టిన రోజు సందర్భంగా అనౌన్స్ చేశారు. "ఈ పుట్టిన రోజు నాకు చాలా స్పెషల్. నాకు ఎంతో ఇష్టమైన వ్యక్తులు విజయ్ దేవరకొండ, సుకుమార్ గార్ల తో నా మొదటి సినిమా అనౌన్స్ చేస్తున్నందుకు చాలా సంతోషం గా ఉంది. 
 
పాన్ ఇండియా ప్రాజెక్ట్ గా ఈ సినిమా ఉండబోతుంది. ఈ కాంబినేషన్ అనగానే అందరికి చాలా అంచనాలుంటాయి. విజయ్, సుకుమార్‌లిద్దరూ కొత్తదనాన్ని బాగా ఇష్టపడతారు. వాళ్ళ సినిమాలు కుడా అలాగే ఉంటాయి. వాళ్ళిద్దరి కలయికలో వస్తున్న ఈ సినిమా కూడా వాళ్ళ స్టైల్లోనే ఉంటుంది. ఈ సినిమాకు సంబంధించి మిగతా వివరాలు తర్వాత తెలియజేస్తాం." అని ఈ చిత్ర నిర్మాత కేదార్ అన్నారు.
 
విజయ్ దేవరకొండ ప్రస్తుతం ఫైటర్ మూవీ చేస్తున్నాడు. సుకుమార్ పుష్ప మూవీ చేస్తున్నాడు. విజయ్ మరో సినిమా చేసిన తర్వాత ఈ సినిమా సెట్స్ పైకి వెళుతుందని సమాచారం.

Share this Story:

Follow Webdunia telugu

తర్వాతి కథనం

ఫీజుల కోసం విద్యార్థులను బలవంతం చెయ్యొద్దు: పేదల పెన్నిధి సోనూ సూద్