''అర్జున్ రెడ్డి'' ప్రేయసి షాలినీ పాండేకు బంపర్ ఆఫర్ వచ్చింది. అర్జున్ రెడ్డి చిత్రంతో హిట్ కొట్టిన ఈ ముద్దుగుమ్మ బాలీవుడ్ తెరంగేట్రం చేయనుంది. హిందీ నటుడు పరేష్ రావల్ కుమారుడు ఆదిత్య కథానాయకుడిగా పరిచయమవుతున్న ''బాంఫాడ్''లో షాలిని పాండేని కథానాయికగా తీసుకున్నారు. ప్రముఖ హిందీ దర్శకుడు అనురాగ్ కశ్యప్ ఈ చిత్రానికి సమర్పకుడు.
టాలీవుడ్‌ ప్రేక్షకులను అర్జున్ రెడ్డి, మహానటి సినిమాలతో కట్టిపడేసిన షాలినీ పాండే.. తమిళంలో 100% రీమేక్‌లో నటిస్తోంది. తమిళ 100% లవ్‌లో అందాలను బాగానే ఆరబోస్తున్న ఈ ముద్దుగుమ్మ.. బాలీవుడ్ ఛాన్సును కొట్టేసింది. ఈ చిత్రంలో తన నటనను కనబరిచి.. మరిన్ని ఛాన్సులు కొట్టేయాలని కలలు కంటోంది. మరి షాలినీ పాండే బాలీవుడ్ ఏమేరకు కలిసివస్తుందో వేచి చూడాలి.
