అల్లు వంశంలో అర్జున్ ఇప్ప‌టికే పెళ్లిచేసుకుని తండ్రికూడా అయ్యాడు. త‌న స్నేహితులుకూడా పెండ్లి చేసేసుకున్నారు. వారంద‌రినీ చూస్తుంటే త‌న‌కూ ఓ తోడు కావాల‌ని అనిపించింది అల్లు శిరీష్‌కు. అందుకే త‌న మ‌న‌సులోని మాట‌ను ఈరోజు బ‌య‌ట పెట్టాడు. ఓ ఫంక్ష‌న్‌కు హాజరైన ఆయ‌న త‌న అభిప్రాయాన్ని వ్య‌క్తం చేశాడు. ఏమ‌న్నాడంటే, మ్యారేజ్, లవ్ గురించిన విషయాలు నాకూ తెలుసుకోవాలని ఉంది. ఎందుకంటే నాకు పెళ్లి వయసు వచ్చింది. భాయ్ ఫ్రెండ్ అనేది బాగానే ఉంటుంది కానీ, హజ్బెండ్ అంటేనే భయంగా ఉంది. అంటూ వ్యాఖ్యానించాడు.
ఇప్ప‌టికే శిరీష్‌కు సంబంధాలు చూస్తున్న‌ట్లు తెలుస్తోంది. త‌మ మ‌న‌స్సులో ఎవ‌రూ లేర‌నీ, ఎవ‌రినీ ఇంత‌వ‌ర‌కు ప్రేమించ‌లేద‌ని స్ప‌ష్టం చేస్తున్నాడు. కానీ ఫైన‌ల్‌గా పెండ్లిపీఠ‌లు మీద‌కు వ‌చ్చేవ‌ర‌కు ఆయ‌న ఎవరినైనా ప్రేమించాడోలేదో తెలీదు. ఎందుకంటే ఇటీవ‌లే యువ హీరోలుకూడా పెళ్లి నిశ్చ‌యం అయిన త‌ర్వాతే ఆమె నా క్లాస్‌మేట్‌, మా ఇంటికి అప్పుడ‌ప్పుడు వ‌స్తుండేదంటూ సినిమాటిక్‌లో తెలిపేవారు. మ‌రి శిరీష్ కూడా అలా చెబుతాడోలేదో చూడాలి.
