పవర్ స్టార్ పవన్ కల్యాణ్ హీరోగా తెరకెక్కుతున్న ''వకీల్ సాబ్'' సినిమా నుంచి రెండో లిరికల్ సాంగ్ వచ్చేసింది. ఈ చిత్రానికి వేణు శ్రీరామ్‌ దర్శకుడు. ఈ చిత్రంలోని రెండో గీతం 'సత్యమేవ జయతే' లిరికల్ వీడియోను చిత్రబృందం బుధవారం విడుదల చేసింది.
గాయకుడు శంకర్‌ మహదేవన్‌ పుట్టిన రోజు సందర్భంగా ఈ పాటను విడుదల చేశారు. రామజోగయ్య శాస్త్రి రచించగా తమన్‌ స్వరాలు సమకూర్చారు. శంకర్‌ మహదేవన్‌, పృథ్వీ చంద్ర, తమన్‌ ఆలపించారు.
హిందీలో విజయవంతమైన 'పింక్‌' రీమేక్‌గా ఈ చిత్రం రూపుదిద్దుకుంటోంది. ఇందులో శ్రుతి హాసన్‌, నివేదా థామస్‌, అంజలి, అనన్య కీలక పాత్రలు పోషిస్తున్నారు. ఈ సినిమాని శ్రీ వెంకటేశ్వర క్రియేషన్స్‌ పతాకంపై దిల్‌రాజు నిర్మిస్తుండగా బాలీవుడ్‌ నిర్మాత బోనీ కపూర్‌ సమర్పిస్తున్నారు.
ఏప్రిల్‌ 9న విడుదల కానుంది. పవన్ రీ ఎంట్రీ ఇస్తుండడంతో ఈ చిత్రం కోసం అభిమానులు ఆసక్తిగా ఎదురుచూస్తున్నారు. తాజాగా విడుదలైన లిరికల్‌పై పవన్ ఫ్యాన్స్ హర్షం వ్యక్తం చేస్తున్నారు. మాకు ఏది కావాలో అదే ఇచ్చారంటూ కామెంట్లు చేస్తున్నారు. సోషల్ మీడియాలో ఈ లిరికల్ సాంగ్ ట్రెండ్ అవుతోంది.
