తాను చేసిన చర్యను అనేకమంది ఖండిస్తున్నారనీ, అందువల్ల క్షమాపణలు కోరుతున్నట్టు తమిళ హీరో సూర్య తండ్రి, సీనియర్ నటుడు శివకుమార్ అన్నారు.
తాజాగా మదురైలో జరిగిన ఓ షాపు ఓపెనింగ్‌కు వెళ్లిన శివకుమార్... తనతో సెల్ఫీ తీసుకునేందుకు ఓ అభిమాని ప్రయత్నించాడు. అతన్ని చూసిన శివకుమార్‌కు చిర్రెత్తుకొచ్చింది. దీంతో సెల్పీ తీస్తున్న అభిమాని చేయిపై కొట్టడంతో మొబైల్ ఫోన్ కాస్త కిందపడిపోయింది. తాజాగా శివకుమార్ చేసిన ఓ పనికి అభిమానులందరూ షాక్ అయ్యారు.
దీనికి సంబంధించిన విజువల్స్ సోషల్ మీడియాలో వైరల్ అయ్యాయి. దీంతో శివకుమార్ మీడియా ముందుకు వచ్చారు. తన చర్యను అనేక మంది సమర్థించడం లేదు. అందువల్ల తన చర్య పట్ల క్షమాపణలు కోరుతున్నట్టు చెప్పుకొచ్చారు.
