శీలో రక్షతి రక్షిత అంటూ సంపూర్ణేష్‌బాబు త‌న శీలాన్ని కూడా కాపాడండి అంటూ అసెంబ్లీ ముందు ఇలా నగ్నంగా నిల‌బ‌డ్డాడు. ఎందుకు ఏమిటి? అనేది `క్యాలీఫ్లవర్` విడుద‌ల త‌ర్వాత తెర‌పై చూడాలంటూ ద‌ర్శ‌కుడు తెలియ‌జేస్తున్నాడు. ఇది అమీర్ ఖాన్ ‘పికె’ ఫస్ట్ లుక్ పోస్టర్ అందరికీ గుర్తుండే ఉంటుంది. పోస్టర్లో ఆమీర్ నగ్నంగా టేప్ రికార్డర్ అడ్డం పెట్టుకుని ఉన్న ఆ ఒక్క పోస్టర్ సినిమాపై ఎంతో హైప్ ని పెంచింది. ఇప్పుడు సంపూర్ణేష్ బాబు తాజా చిత్రం ‘క్యాలీఫ్లవర్’ కాన్సెప్ట్ పోస్టర్ PK ఫస్ట్ లుక్ ని గుర్తు చేస్తోంది.
అసెంబ్లీ ముందు ధర్నా చేస్తున్నట్లు ఉన్న ఈ ‘క్యాలీఫ్లవర్’ పోస్టర్ లో టైటిల్ కి ట్యాగ్ గా పెట్టిన ‘శీలో రక్షతి రక్షిత:’ అందరినీ మరింతగా ఆకట్టుకుంటోంది. ఆర్.కె.మలినేని దర్శకత్వంలో ఆశాజ్యోతి గోగినేని నిర్మిస్తున్న ఈ చిత్రంలో సంపూ సరసన వసంత హీరోయిన్ గా నటిస్తోంది. దీనికి ప్ర‌జ్వ‌ల్ కిశోర్ సంగీతాన్ని అందిస్తున్నాడు.
