శ్రుతి హాసన్ ప్రభాస్ సలార్ మూవీ అనంతరం రజినీకాంత్ కూలీ సినిమాలోనటిస్తోంది. ఇదివరకే అడివి శేష్ హీరోగా తెరకెక్కుతున్న డెకాయిట్ చిత్రంలోనూ శృతి హీరోయిన్‌గా నటిస్తోంది. సినిమాటోగ్రాఫర్ షనైల్ డియో తొలిసారి దర్శకుడిగా రూపొందుతోన్న చిత్రమిది.
తాజాగా ఈ సినిమా గ్లింప్స్ పాజిటివ్ బజ్ క్రియేట్ చేసింది. ఇంటెన్స్, లవ్ యాక్షన్ చిత్రంగా డెకాయిట్ తెరకెక్కుతోంది.
అయితే ఇప్పుడు శ్రుతి హాసన్ డెకాయిట్ నుంచి తప్పుకున్నారని ప్రచారం జరుగుతోంది. డెకాయిట్ చిత్రీకరణ సగానికి పైగా పూర్తయ్యిందని తెలుస్తొంది.
అయితే డేట్స్ ఇష్యూ వల్ల శ్రుతి హాసన్ డెకాయిట్ ప్రాజెక్టు నుంచి బయటకు వచ్చినట్లు.. ఆమె ప్లేస్లో మరొక హీరోయిన్ను మేకర్స్ వెతుకుతున్నట్లు సమాచారం. డైరెక్టర్ షనైల్ డియో ఫ్యామిలీలో ట్రిప్‌కు విదేశాలకు వెళ్లిన క్రమంలో .. సినిమాలోని కొన్ని షాట్లను హీరో అడివి శేష్ తెరకెక్కించేందుకు ప్రయత్నించారని.. అది నచ్చకే.. శ్రుతి ఈ ప్రాజెక్టు నుంచి తప్పుకోవడానికి సిద్దమయినట్లు మరో ప్రచారం జరుగుతోంది.
డెకాయిట్ విషయానికొస్తే, ప్రముఖ నిర్మాణ సంస్థ అన్నపూర్ణ స్టూడియోస్ సమర్పణలో నటి సుప్రియ యార్లగడ్డ ఈ చిత్రాన్ని నిర్మిస్తున్నారు. అడవి శేష్ గత చిత్రాలైన క్షణం, గూఢచారి లాంటి బ్లాక్బస్టర్‌ సినిమాలకు సినిమాటోగ్రాఫర్‌గా పనిచేసిన షనైల్ డియోను డైరెక్టర్గా పరిచయం చేస్తున్నారు. తెలుగు, హిందీ భాషల్లో ఈ చిత్రం తెరకెక్కుతోంది.
