'ఉ అంటావా మావా' అనే పాటలో ఆమె ఇటు యూత్‌ను .. అటు మాస్ ఆడియన్స్‌ను ఒక ఊపు ఊపేసింది. ఆ పాట తర్వాత ఆమె ఆ సినిమాలో కనిపించదు. కానీ స్మగ్లింగ్ నేపథ్యంలో పుష్పకి సాయపడే పాత్రలో ఆమె 'పుష్ప 2'లో కనిపించనుందనే టాక్ బలంగా వినిపిస్తోంది. ఆమె పాత్రను సుకుమార్ చాలా డిఫరెంట్‌గా డిజైన్ చేసినట్టు చెప్తున్నారు.
సినిమాలో ఆమె రోల్ ఏదో అతికించినట్లు కాకుండా చాలా సహజంగా ఆమె పాత్రను ప్రవేశపెట్టడం జరుగుతుందని సినీ పండితులు అంటున్నారు. ఇక 'పుష్ప 2'లో మనోజ్ బాజ్ పాయ్, విజయ్ సేతుపతి, ప్రియమణి పేర్లు కొత్తగా వినిపించాయి. ఇక ఇప్పుడు సమంత పేరు కూడా తెరపైకి వచ్చింది. త్వరలోనే ఈ సినిమా సెట్స్‌పైకి వెళ్లనుంది.
ఇకపోతే..సుకుమార్ తన ఫేవరేట్ హీరోయిన్ సమంత అనే విషయాన్ని చాలా సందర్భాల్లో చెప్పివున్నారు. ఆమె నటనలో ఒక ప్రత్యేకత కారణంగానే 'రంగస్థలం' సినిమాలో ఆమెను ఎంచుకున్నారు. ఆపై 'పుష్ప' ప్రాజెక్టులో జాయిన్ అయింది. అప్పటికే షూటింగు చాలావరకూ పూర్తికావడంతో, ఐటమ్ సాంగ్ కోసం ఆమెను తీసుకున్న సంగతి తెలిసిందే.
