పవన్ కళ్యాణ్ సరసన పూజా హెగ్దే, అదిరిపోతుందట...

గురువారం, 9 ఏప్రియల్ 2020 (19:49 IST)
పవర్ స్టార్ పవన్ కళ్యాణ్‌ రీఎంట్రీ మూవీ వకీల్ సాబ్. ఎంసీఏ డైరెక్టర్ వేణు శ్రీరామ్ దర్శకత్వంలో రూపొందుతోన్న ఈ సినిమా షూటింగ్ దాదాపు చివరి దశకు చేరుకుంది. ఈ సినిమాతో పాటు పవన్.. విభిన్న కథా చిత్రాల దర్శకుడు క్రిష్ డైరెక్షన్లో ఓ మూవీ చేస్తున్న విషయం తెలిసిందే. ఈ సినిమాని సీనియర్ ప్రొడ్యూసర్ ఎ.ఎం.రత్నం నిర్మిస్తున్నారు. పాన్ ఇండియా మూవీగా ఈ సినిమాని భారీ బడ్జెట్ తో రూపొందిస్తున్నారు. ఈ రెండు సినిమాలతో పాటు పవన్ మరో సినిమాకి కూడా గ్రీన్ సిగ్నల్ ఇచ్చారు.
 
టాలెంటెడ్ డైరెక్టర్ హరీష్ శంకర్ డైరెక్షన్లో సినిమా చేసేందుకు పవన్ ఓకే చెప్పారు. పవన్ - హరీష్ శంకర్ కాంబినేషన్లో రూపొందిన గబ్బర్ సింగ్ మూవీ బ్లాక్ బస్టర్ అవ్వడంతో ఈ కాంబినేషన్ పై అటు అభిమానుల్లోను ఇటు ఇండస్ట్రీలోను భారీ అంచనాలు ఏర్పడ్డాయి. ఈ క్రేజీ కాంబినేషన్లో మూవీని ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తుంది. ప్రస్తుతం స్ర్కిప్ట్ వర్క్ జరుగుతోంది. ఈ ఇయర్ ఎండింగ్‌లో ఈ సినిమా సెట్స్ పైకి వెళ్లనుందని వార్తలు వస్తున్నాయి.
 
ఇదిలా ఉంటే... ఈ సినిమాకి సంబంధించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే... గతంలో పవన్ - హరీష్ కాంబినేషన్లో వచ్చిన గబ్బర్ సింగ్ పవన్ కెరీర్లోనే ప్రత్యేకంగా నిలిచింది. అప్పటికే వరుస ప్లాప్స్‌లో ఉన్న పవన్.. గబ్బర్ సింగ్‌తో ఇండస్ట్రీ రికార్డ్స్ క్రియేట్ చేశాడు. దాంతో ఇప్పుడు హరీష్ – పవన్ చేయబోతున్న సినిమాపై భారీ అంచనాలు ఉన్నాయి. పవర్ స్టార్ ఫ్యాన్స్ కోరుకునే అంశాలన్ని ఈ సినిమాలో ఉంటాయని.. పవన్ పాత్ర చాలా పవర్‌ఫుల్‌గా ఉంటూనే చాలా ఎంటర్ టైనింగ్‌గా ఉంటుందని తెలిసింది. దీంతో ఈ సినిమా పై ఫ్యాన్స్ బాగా ఆసక్తి చూపిస్తున్నారు.
 
కాగా ఈ చిత్రంలో పవన్ సరసన కథానాయకిగా బన్నీ హీరోయిన్ నటించనున్నట్టు వార్తలు వస్తున్నాయి. ఇంతకీ బన్నీ హీరో ఎవరంటారా..? దువ్వాడ జగన్నాథమ్, అల.. వైకుంఠపురములో సినిమాల్లో బన్నీ సరసన నటించి మెప్పించింది క్రేజీ హీరోయిన్ పూజా హెగ్డే. తన అందం, అభినయంతో ఆకట్టుకున్న ఈ అమ్మడు పవన్ సరసన నటించనుందని తెలిసింది. త్వరలోనే ఈ సినిమాకి సంబంధించిన పూర్తి వివరాలను తెలియచేయనున్నారు.

వెబ్దునియా పై చదవండి

తర్వాతి కథనం మహేష్‌ - పరశురామ్ మూవీ ఓపెనింగ్ అండ్ రిలీజ్ డేట్