విక్ట‌రీ వెంక‌టేష్ - యువ స‌మ్రాట్ నాగ చైత‌న్య కాంబినేష‌న్లో రూపొందుతోన్న భారీ చిత్రం వెంకీ మామ. బాబీ ద‌ర్శ‌క‌త్వంలో రూపొందుతోన్న ఈ భారీ సినిమా ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటోంది. అయితే.. ఈ సినిమాని ద‌స‌రాకి రిలీజ్ చేయాలి అనుకున్నారు కానీ.. కుద‌ర‌లేదు. ఇప్ప‌డు సంక్రాంతికి రిలీజ్ ప్లాన్ చేస్తుండ‌డంతో సంక్రాంతి రానున్న మహేష్ స‌రిలేరు నీకెవ్వ‌రు, బన్నీ అల.. వైకుంఠ‌పుర‌ములో టీమ్స్ తెగ టెన్ష‌న్ ప‌డుతున్నాయి.
దీంతో మహేష్ స‌రిలేరు నీకెవ్వ‌రు, బన్నీ అల వైకుంఠ‌పుర‌ములో.. చిత్రాలు ఒకేరోజు జ‌న‌వ‌రి 12న రిలీజ్ చేయ‌నున్న‌ట్టు ప్ర‌క‌టించారు. ఎప్పుడైతే రిలీజ్ డేట్స్ ఎనౌన్స్ చేసారో.. అటు అభిమానుల్లోను, ఇటు ఇండ‌స్ట్రీలోను సంక్రాంతి బాక్సాఫీస్ వార్‌లో మ‌రింత ఆస‌క్తి ఏర్ప‌డింది. ఇదిలా ఉంటే.. వెంకీమామ జ‌న‌వ‌రి 11న ప్రేక్ష‌కుల ముందుకు వ‌చ్చేందుకు రెడీ అవుతుంద‌ట.
అంటే...మహేష్, బన్నీ ఈ రెండు సినిమాల కంటే ఒక రోజు ముందుగానే ఈ చిత్రం విడుదలవుతుంది. ఒక రోజు ముందు రిలీజ్ చేయ‌డం వ‌ల‌న వెంకీ మామ‌కు ఫ‌స్ట్ డే ఎక్కువ థియేట‌ర్స్ దొరుకుతాయి. అలా చేయ‌డం వ‌ల‌న త‌ర్వాత వ‌చ్చే మహేష్, బన్నీ సినిమాల‌కు ఇబ్బంది. దీంతో ఏం చేయాలో తెలియ‌క తెగ టెన్ష‌న్ ప‌డుతున్నార‌ట. మ‌రి.. వెంకీ మామ రిలీజ్ డేట్‌ను త్వ‌ర‌లోనే అఫిషియ‌ల్‌గా ఎనౌన్స్ చేస్తారేమో చూడాలి.
