మెగాస్టార్ చిరంజీవి సైరా న‌ర‌సింహారెడ్డి చిత్రంలో న‌టిస్తున్నారు. స్టైలీష్ డైరెక్ట‌ర్ సురేందర్ రెడ్డి ద‌ర్శ‌క‌త్వంలో రూపొందుతోన్న ఈ భారీ చిత్రం గ‌త కొంతకాలం నుంచి షూటింగ్ జ‌రుపుకుంటూనే ఉంది. కొణిదెల ప్రొడ‌క్ష‌న్ కంపెనీ బ్యాన‌ర్ పైన మెగా ప‌వర్ స్టార్ రామ్ చ‌ర‌ణ్ ప్ర‌తిష్టాత్మకంగా ఈ చిత్రాన్ని నిర్మిస్తున్నారు. చిరు బ‌ర్త్ డేకి టీజ‌ర్ రిలీజ్ చేసారు కానీ... ఆశించిన స్థాయిలో రెస్పాన్స్ రాలేదు.
దీనికితోడు సురేందర్ రెడ్డి బాగా లేట్ చేస్తున్నాడ‌ట షూటింగ్ స్పాట్లో. ఇలా అయితే... లాభం లేద‌నుకున్నాడో ఏమో కానీ.. చిరు సురేందర్ రెడ్డికి స్వీట్ వార్నింగ్ ఇచ్చాడ‌ట. మే నెలాఖ‌రుకి షూటింగ్ కంప్లీట్ చేయాలి అని డెడ్ లైన్ పెట్టార‌ట. ఈ మూవీని ద‌స‌రాకి ప్రేక్ష‌కుల ముందుకు తీసుకువ‌చ్చేందుకు ప్లాన్ చేస్తున్నారు. ఇదిలాఉంటే... ఈ మూవీ త‌ర్వాత చిరు బ్లాక్ బ‌ష్ట‌ర్ డైరెక్ట‌ర్ కొరటాల శివ‌తో సినిమా చేస్తున్న విష‌యం తెలిసిందే. ఇప్ప‌టికే కొరటాల ఈ మూవీ స్ర్కిప్ట్ వ‌ర్క్ కంప్లీట్ చేసారు.
ఇందులో సునీల్, అన‌సూయ ముఖ్య‌పాత్ర‌ల్లో క‌నిపించ‌నున్నార‌ని టాక్ వినిపిస్తోంది. ఈ చిత్రంలో న‌టించే క‌థానాయిక విష‌యానికి వ‌స్తే.. శృతిహాస‌న్, త‌మ‌న్నా పేర్లు వినిపిస్తున్నాయి కానీ.. ఇంకా ఎవ‌ర్నీ క‌న్ఫ‌ర్మ్ చేయ‌లేద‌ని స‌మాచారం. సందేశంతో పాటు వినోదంతో ఉండే ఈ విభిన్న క‌థా చిత్రాన్ని ఆగ‌ష్టు నుంచి ప్రారంభించేందుకు ప్లాన్ చేస్తున్నారు.
