తెలుగు సినిమాల్లో కమెడియన్ అనగానే ప్రజెంట్ జనరేషన్‌కి ఠక్కున గుర్తుకువచ్చేంది హాస్య బ్రహ్మ మన బ్రహ్మానందం. నాటి నుంచి నేటి వరకు ఎన్నో విభిన్న పాత్రలతో ప్రేక్షకులను నవ్వించాడు. ఎంతలా బ్రహ్మి పాపులర్ అయ్యారంటే... బ్రహ్మానందం ఉంటే సినిమా హిట్టు లేడంటే ఫట్టు అనేంతగా.
ఒకానొక దశలో సినిమాలో బ్రహ్మానందంకు తగ్గ పాత్ర లేకపోయినా... ఆయన ఉండాల్సిందే అని ఆయన కోసం పాత్రను సృష్టించేవారు. కొన్ని వందల చిత్రాల్లో నటించి సినిమా సక్సెస్‌లో కీలక పాత్ర పోషించారు.
అలాంటి బ్రహ్మానందంకు ప్రస్తుతం సినిమాలు లేవు. అవును.. ఇది నిజంగా నిజం. దీంతో బ్రహ్మానందం ఓ సంచలన నిర్ణయం తీసుకున్నారని తెలిసింది.
ఇంతకీ ఏంటా నిర్ణయం అంటే... ఇక సినిమాల్లో నటించకూడదని నిర్ణయించుకున్నారట. అయితే... టీవీ సీరియళ్ల వైపు దృష్టి సారించినట్టు తెలిసింది. అంతేకాకుండా... బుల్లితెరపై కామెడీ షోలు చేయడానికి కూడా ఓకే చెప్పినట్టు టాలీవుడ్లో టాక్ వినిపిస్తుంది. ఇప్పుడు ఇది చర్చనీయాంశం అయ్యింది.
బిగ్ స్ర్కీన్ పైన కడుపుబ్బా నవ్వించిన బ్రహ్మి.. బుల్లితెర పైన నవ్వులు పూయిస్తారా...? అనేది ఆసక్తిగా మారింది. ఏది ఏమైనా... బ్రహ్మి ట్రెండ్‌కి తగ్గట్టుగా మంచి నిర్ణయం తీసుకున్నారు. మరి... బుల్లితెరపై బ్రహ్మి ఏ స్థాయిలో ఆకట్టుకుంటాడో చూడాలి.
