యాంకర్ సుమకు వున్న క్రేజ్ అంతా ఇంతా కాదు. బుల్లితెరపై మెరిసిన ఈ భామ.. వెండితెరపై మాత్రం ఆకట్టుకోలేకపోయింది. ఆమెతో సినిమాలు చేయడానికి కూడా కొంతమంది ప్రయత్నాలు చేసినా అవి పెద్దగా ఫలించలేదు. ఇక ఇప్పుడు యాంకర్‌గా చాలా బిజీగా ఉంటుంది.
అయితే కరోనా వైరస్ కారణంగా ఆమె గత కొన్ని రోజులుగా యాంకర్ షూటింగ్‌లకు వెళ్ళడం లేదు. బుల్లితెరకు ఆమె కాస్త దూరంగా వుండటానికి కరోనా వైరస్ ఒక కారణమైతే.. మరో కారణం కూడా ప్రచారం లోకి వచ్చింది. ఆమె సినిమాల్లో కూడా నటించడానికి ఆసక్తి చూపిస్తుంది అని ప్రచారం జరుగుతోంది.
టాలీవుడ్ ప్రిన్స్ మహేష్ బాబు సినిమాలో ఆమె నటించే అవకాశం ఉందని అని అప్పట్లో ప్రచారం జరిగింది. అది ఎంతవరకు నిజం ఏంటి అనేది తెలియక పోయినా ఇప్పుడు మాత్రం ఆమె ఒక సినిమాలో నటించడానికి గ్రీన్ సిగ్నల్ ఇచ్చినట్టు తెలుస్తోంది.
వెంకటేష్ నటిస్తున్న నారప్ప సినిమాలో ఆమె ఒక కీలక పాత్రలో నటిస్తోంది. అయితే అది ఎక్కువ సేపు ఉండే పాత్ర కాదు. ఆ సినిమాలో ఆమె వెంకటేష్‌కి చెల్లెలుగా నటించే అవకాశం ఉందని అంటున్నారు. ఆ పాత్రలో సుమ చనిపోతుందని, దీంతో ఆ పాత్ర ముగిసి పోతుందని చెప్తున్నారు.
