Select Your Language

Notifications

webdunia
webdunia
webdunia
webdunia

సినిమా అవకాశాల కోసం వచ్చిన యువతిపై అత్యాచారం చేసి హత్య...

webdunia
బుధవారం, 11 సెప్టెంబరు 2019 (13:56 IST)
సినిమాల్లో నటించాలన్నది ఆమె కోరిక. ఎలాగైనా సినిమాలో నటించి మంచి పేరు సంపాదించుకొని ఇండస్ట్రీలో నిలబడదామకుని అనుకుంది. ఎం.ఎ. చదువుకున్న ఆ యువతి సినిమా మోజులో పడి ఇంట్లో వాళ్ళను వద్దనుకుని ఇంటి నుంచి బయటకు వచ్చేసింది. 
 
అమీర్ పేటకు చెందిన పూజిత స్థానికంగా ఉన్న హాస్టల్లో ఉంటూ సినిమా అవకాశాల కోసం ప్రయత్నం చేస్తోంది. ప్రతిరోజు ఫిలింనగర్‌కు వెళ్ళేది. ఇలా నెలరోజుల పాటు ఫిలింనగర్ చుట్టూ తిరిగింది. అయితే ఈమె అవసరాన్ని గుర్తించిన ఇద్దరు వర్కర్లు ఆమెను ఎలాగైనా లొంగదీసుకోవాలనుకున్నారు. అందంగా ఉన్న పూజితను అనుభవించాలనుకున్నారు.
 
ఫిలింనగర్లో తిరిగితే ఉపయోగం లేదని ఉప్పల్ సమీపంలో అనుబంధ కార్యాలయం ఉందని అక్కడకు రమ్మన్నారు. రాజేష్, బబ్లు మాటలు విన్న ఆ యువతి ఒంటరిగా కార్యాలయానికి వెళ్లింది. అప్పటికే పూటుగా మద్యం సేవించి ఉన్న వీరిద్దరు ఆ ప్రాంతంలోనే ఆమెపై అత్యాచారం చేశారు. ఆ తరువాత విషయం బయట ఎక్కడ చెప్పేస్తుందోనని భయపడి హత్య చేశారు.
 
మృతదేహాన్ని కారులో తీసుకెళ్ళి ఇండస్ట్రియల్ ఏరియాలో పడేశారు. తెల్లవారిన తర్వాత స్థానికులు యువతి శవాన్ని గుర్తించి పోలీసులకు సమాచారమిచ్చారు. విచారణ లోతుగా చేసిన పోలీసులు నిందితులు రాజేష్, బబ్లులుగా గుర్తించి అరెస్టు చేశారు. సినిమా అవకాశాలు ఇస్తామని ఎవరైనా నమ్మించి కొత్త ప్రాంతాలకు రమ్మంటే ఎవరు నమ్మి వెళ్ళవద్దంటున్నారు పోలీసులు.

Share this Story:

Follow Webdunia Hindi

తర్వాతి కథనం

బామ్మ ఇడ్లీ షాపుపై మనసుపడిన ఆనంద్ మహీంద్రా.. పెట్టుబడి పెడతానంటూ...