తెలంగాణ రాష్ట్రంలో నేటి నుంచి ఉపాధ్యాయ అర్హత ప్రవేశ పరీక్షకు చెందిన హాల్ టిక్కెట్లను డౌన్ లోడు చేసుకునే అవకాశాన్ని కల్పించారు. ఈ టెట్ ప్రవేశ పరీక్ష ఈ నెల 12వ తేదీన రెండు సెషన్‌లలో జరుగనుంది.
ఉదయం 9.30 గంటల నుంచి మధ్యాహ్నం 12 గంటల వరకు తొలి పేపర్, మధ్యాహ్నం 2.30 గంటల నుంచి సాయంత్రం 5 గంటల వరకు రెండో పేపర్ పరీక్ష నిర్వహిస్తారు. ఈ పరీక్ష కోసం అన్ని జిల్లాల్లో పరీక్షా కేంద్రాలను ఏర్పాటు చేశారు.
ఈ పరీక్షకు సంబంధించి www.tstet.cgg.gov.in అనే వెబ్ సైట్ నుంచి హాల్ టిక్కెట్లను డౌన్ లోడ్ చేసుకోవచ్చు. కాగా, తొలి పేపర్కు 3,51,468 మంది, రెండో పేపర్కు రూ.2,77,884 మంది అభ్యర్థులు హాజరవుతున్నారు.
