గత కొన్ని రోజులుగా వరుణ దేవుడు హైదరాబాద్ నగరంపై పగబట్టినట్టు కనిపిస్తున్నారు. ఫలితంగా విస్తారంగా వర్షాలు కురుస్తున్నాయి. దీంతో హైదరాబాద్ నగరం తడిసి ముద్దై పోతోంది. అనేక లోతట్టు ప్రాంతాలు నీట మునిగిపోతున్నాయి. ఈ వర్షాల దెబ్బకు భాగ్యనగరి వాసులు తీవ్ర ఇక్కట్లకు గురవుతున్నారు. ఎడతెరిపి లేకుుండా కురుస్తున్న వర్షాల వల్ల పలు జలాశయాలు పూర్తిగా నిండిపోయాయి.
దీంతో జంట జలాశయాల నుంచి నీటిని దిగువకు విడుదల చేస్తున్నారు. ఈ జంట జలాశయాల గేట్లను పూర్తిగా ఎత్తివేశారు. ఈ కారణంగా మూసీ నదీ పరివాహక ప్రాంతల ప్రజలు అప్రమత్తంగా ఉండాలని గ్రేటర్ హైదరాబాద్ మున్సిపల్ కార్పొరేషన్ అధికారులు హెచ్చరించారు. వర్ష బాధితుల కోసం హెల్ప్‌లైన్ నంబర్లను కూడా ప్రకటించారు.
మరోవైపు, నగర శివారులోని జంట జలాశయాలైన ఉస్మాన్ సాగర్, హిమాయత్ సాగర్‌లకు వరద నీరు పోటెత్తింది. ఈ జంట జలాశయాలకు భారీగా వరద నీరు వచ్చి చేరుతుండటంతో నీటి మట్టాలు ప్రమాదకరస్థాయికి చేరుకున్నాయి. దీంతో వీటి గేట్లను ఎత్తివేసి మూసీ నదిలోకి నీటిని విడుదల చేస్తున్నారు. ఈ కారణంగా మూసీ నది పరివాహక ప్రాంతాలకు చెందిన ప్రజలు అప్రమత్తంగా ఉండాలని హెచ్చరించారు.
