Publish Date: Tue, 04 Oct 2022 (10:24 IST)
Updated Date: Tue, 04 Oct 2022 (10:25 IST)
మెట్రో రైల్ ప్రయాణికులకు హైదరాబాద్ మెట్రో రైల్ లిమిటెడ్ అధికారులు శుభవార్త చెప్పారు. ఇకపై వాట్సాప్ ద్వారా టిక్కెట్లను కొనుగోలు చేయొచ్చని హెచ్.ఎం.ఆర్.ఎల్ అధికారులు సోమవారం వెల్లడించారు.
ఈ సౌకర్యాన్ని అందుబాటులోకి తీసుకుని రావడం వల్ల ఇకపై టిక్కెట్ల కోసం ప్రయాణికులు క్యూలైన్లలో నిల్చోవాల్సిన పరిస్థితి లేదని చెప్పారు.
వాట్సప్ ద్వారా డిజిటల్ పద్ధతిలో నగదు బదిలీ చేయవచ్చని, దేశంలోనే తొలిసారిగా తాము ప్రయాణికుల సౌకర్యార్థం ఈ కొత్త విధానాన్ని అందుబాటులోకి తీసుకొచ్చామన్నారు. ఇందుకోసం బిల్ఈజీ సంస్థతో ఒప్పందం కుదుర్చుకున్నామని తెలిపారు.
మెట్రోస్టేషన్ల వద్ద ఉన్న క్యూర్ కోడ్ను వాట్సాప్ ద్వారా స్కాన్ చేసి కూడా టిక్కెట్లు కొనుగోలు చేయొచ్చని అధికారులు తెలిపారు. ఈ టిక్కెట్లను మొబైల్ నంబరుతో 8341146468 అనే నంబరుకు హాయ్ అని ఒక సందేశాన్ని పంపింతే.. ఓటీపీ నంబరు వస్తుంది.
దీన్ని ఎంటర్ చేసిన తర్వాత మనం ప్రయాణించాల్సిన గమ్యస్థానం పేరును నమోదు చేశాలి. ఆ తర్వాత ఈ టిక్కెట్ ధరను డిజిటల్ రూపంలో చెల్లించిన తర్వాత ఈ-టిక్కెట్ వస్తుంది. ఆ టిక్కెట్పై ప్రయాణికులు ఎలాంటి ఇబ్బందులు లేకుండా హాయిగా ప్రయాణించవచ్చు.
