Select Your Language

Notifications

webdunia
webdunia
webdunia
webdunia
Advertiesment

ఉరుమురిమి మంగలం మీద పడటం అంటే ఇదే కాబోలు...

ఉరుమురిమి మంగలం మీద పడటం అంటే ఇదే కాబోలు...
, గురువారం, 21 మే 2020 (09:17 IST)
'ఉరుమురిమి మంగలం మీద పడటం' అంటే ఇదే కాబోలు... కట్టుకున్న భార్యకు కరోనా వైరస్ సోకిందనీ ఓ వ్యక్తి చేసిన హంగామా అంతాఇంతా కాలేదు. అంతటితో ఆగని ఆ వ్యక్తి.. ఏకంగా వీధుల్లో నిలిపివున్న వాహనాలకు నిప్పుపెట్టాడు. హైదరాబాద్ నగరంలోని లంగర్ హౌస్ పరిధిలో జరిగిన ఈ వివరాలను పరిశీలిస్తే, 
 
లంగర్‌హౌస్ ప్రశాంత్‌నగర్‌ ప్రాంతానికి చెందిన ఓ వివాహిత అనారోగ్యంతో బాధపడుతూ వచ్చింది. దీంతో ఆమెకు కరోనా నిర్ధారణ పరీక్షలు చేయగా, అందులో పాజిటివ్ అని తేలింది. ఈ విషయం ఆ వివాహిత భర్తకు తెలిసింది. అంతే... భార్యకు కరోనా వైరస్ సోకడాన్ని ఏమాత్రం తట్టుకోలేక పోయారు. 
 
వీధిలో నానా హంగామా సృష్టించాడు. ఆపై తన స్నేహితులతో కలిసి మంగళవారం రాత్రి బాపూనగర్‌లోని ఓషాపులో పీకల వరకు మద్యం సేవించాడు. ఆ తర్వాత రెండు ద్విచక్ర వాహనాలు, ఓ ఆటోకు నిప్పుపెట్టాడు. బాధితుల ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు.

Share this Story:

Follow Webdunia telugu

తర్వాతి కథనం

కరోనా బాధితులను గుర్తించడం ఎలా?.. ఏపీ వైద్యశాఖ మార్గదర్శకాలు