మెగాస్టార్ చిరంజీవి తెలుగు చిత్రపరిశ్రమలో ధృవనక్షత్రంలా ఉన్నప్పటికీ.. తాను మాత్రం సాదాసీదాగా జీవితాన్ని గడుపుతుంటారు. సాధారణంగా ప్యాంటు, చొక్కాలో కనిపించే చిరంజీవి ఇపుడు పంచెకట్టులో కనిపించి ప్రతి ఒక్కరినీ ఆశ్చర్యానికి గురిచేశారు. పైగా, ఆయన తెలంగాణ రాజ్‌భవన్‌కు వెళ్లి, ఆ రాష్ట్ర గవర్నర్ తమిళిసై సౌందర్ రాజన్‌కు పుట్టినరోజు శుభాకాంక్షలు తెలిపారు. ఈ సందర్భంగా చిరంజీవితో పాటు ఆయన భార్య సురేఖ కూడా ఉన్నారు.
అంతకుముందు ఆయన ట్విట్టర్ ద్వారా కూడా శుభాకాంక్షలు తెలిపారు. దేశ సేవలో మీరు మరెన్నో పుట్టినరోజులను జరుపుకోవాలని కోరుకుంటున్నానని ట్వీట్ చేశారు. మరోవైపు తెలంగాణ రాష్ట్ర అవతరణ దినోత్సవం సందర్భంగా ముఖ్యమంత్రి కేసీఆర్, రాష్ట్ర ప్రజలకు ఆయన ట్విట్టర్ ద్వారా శుభాకాంక్షలు తెలిపారు.
