సాధారణంగా పండుగలు, శుభకార్యాలు జరుపుకునేటప్పుడు ఇంటికి తోరణాలు కడుతుంటాం. ఏదైనా ఓ శుభకార్యం ప్రారంభించారంటే చాలు.. వెంటనే గుమ్మానికి తోరణాలు కట్టేస్తుంటారు. ఆ తోరణాలు కూడా వేటితో కడుతారంటే.. మామిడి, రావి, జువ్వి, మర్రి, ఉత్తరేణి ఆకులతోనే.. కానీ, ఎక్కువగా ఉపయోగించేది మామిడి ఆకులు మాత్రమే...
అసలు ఇంటికి తోరణాలు ఎందుకు కట్టాలి.. వాటిని కడితే.. ఏం ప్రయోజనమని కొందరి అంటుంటారు.. గుమ్మాలకు మామిడి తోరణాలు ఎందుకు కట్టుతారంటే.. పండుగలు లేదా శుభకార్యాల సమయాల్లో కుటుంబ సభ్యుల్లో పని ఒత్తిడిని, శ్రమను పోగొట్టెది మామిడాకు తోరణమే. కొందర మంది పండుగ రోజుల్లో కూడా ఉదయాన్నే లేవకుండా.. నిద్రపోతుంటారు...
అలాంటి వారికి మామిడి తోరణాలు మంచిగా పనిచేస్తాయి. ఈ తోరణాలు ఇంట్లో కట్టితే నిద్రలేమిని పోగొడుతుంది. దాంతో పాటు మనం పండుగ రోజుల్లో దేవుళ్లకు పూజలు చేస్తూ.. నాకీ కోరిక తీర్చు స్వామి అంటూ ప్రార్థిస్తుంటాం. ఈ కోరికలను మామిడి ఆకులే నెరవేర్చుతాయని చాలామంది నమ్ముతారు. ప్రాచీన కాలం నుండి పర్వదినాల్లో యజ్ఞయాగాల్లో ధ్వజారోహణం చేస్తుంటారు. దీనిని అనుసరించే తోరణాలు కట్టే ఆచారం వచ్చిందని పండితులు చెప్తున్నారు.
